Misri Waadyayantra

Misri Waadyayantra

 

Misri Sangeet Kaa Puraataatvik Aur Paaramparik Itihaas Kisi Bhi Anya Desh Ki Tulanaa Mein Adhik Samriddh Hai. Praacheen Misri Mandiron Aur Maqabaron Ki Deevaaron Par Bane Bhitti-Chitraon Mein, Bhinn-Bhinn Aakaar Aur Prakaar Vaale Waadyayantron, Unke Waadan Aur Samaayojan Ki Vidhiyon, Waadan Karate Kalaakaaron Ki Mandaaliyon, Ke Saath-Saath Aur Bhi Bahut Saari Cheezon Ko Darshaayaa Gayaa Hai. In Sangeet Drishyon Mein Harp (Ek Prakaar Kaa Veenaa) Ke Khaas Taaron Ko Chhedate Waadak Ke

Haath Spasht Dikhate Hain, Aur Uske Saath Vaayu-Waadya Waadakon Ko Vishisht Swar Bajaate Pradarshit Kiyaa Gayaa Hai.

Isamein Lute-Fret Ki Doori Spasht Darshaati Hai, Ki Sambandhit Antaraal Aur Uske Scale Kaa Maapan Tathaa Ganaanaa Sambhav Hai.

Taar Par Waadak Ke Haathon Ki Sthiti Spasht Roop Se Chaturth, Pancham, Aur Saptak (Octave) Jaise Anupaaton Ko Darshaati Hai—Jo Nishchit Roop Se Sur-Taal Ke Baareek Niyamon Ke Gyaan Kaa Dyotak Hai.

Waadyayantra Ke Waadan Ko Waadak Ke Haathon Ki Gati Se Bhi Niyantrait Hote Darshaayaa Gayaa Hai, Jo Vishesh Suron, Antaraal Aur Dhvani Ke Utaar-Chadhaavon Ki Pahachaan Karane Mein Hamaari Sahaayataa Karataa Hai, Jaisaa Ki Diye Gaye Chitra Mein Darshaayaa Gayaa Hai.

Praacheen Misri Niroopana Mein Chaturth, Pancham, Aur Saptak (Octave) Antare Sabse Aam The. Curt Sachs (Apani Pustak, History Of Musical Instruments Mein) Ne (Abhilekh Ke Yatharthawaadee, Vishisht Aur Paryaapt Vishvasaneey Hone Par) Paayaa Ki Misri Kalaakritiyon Mein Chitrait 17 Harp Waadakon Mein Se Saat Chauthe Taar Ko Chhed Rahe The, Jabaki Paanch Paanchaven Taar Ko, Aur Paanch Hi Saptak Ko Chhed Rahe The.

Harp Mein Adhikatar Saat Taar Chitrait Kie Gaye Hain, Aur Misri Upakaranaon Ke Baare Mein Curt Sachs Kaa Adhyayan Bataataa Hai, Ki Misravaasi Apani Harp Ko Theek Isi Prakaar Ki Saragam Shrrinkhalaa Aur Antaraal Ke Saath Bajaate The.

Remases Triteey Ke Maqabare Mein Chitrait (Neeche Pradarshit) Do Harp Mein Se Ek Mein 13 Taar Hain, Jisamein Sabse Lambaa Taar Agar Sabse Nimn Sur (Pros-Lambanomeinos Yaa D) Kaa Pratinidhitv Karataa Hai To, Shesh 12 Taar Sabhi Saptak Ke Vistaar (Kampaas) Mein Diatonic, Chromatic Aur Enharmonic Shreni Ke Suron, Ardhaswaron Aur Paadaswaron Ko Utpann Karate Honge.

harp

Misri Raajavansheey Itihaas Ke Samooche Daur Mein Mandiron Aur Maqabaron Mein Chitrait Kayi Sangeet Drishyon Ke Alaavaa, Hamaare Paas Unke Maqabaron Se Mile Kayi Praacheen Misri Waadyayantra Hain. Ye Misri Waadyayantra Ab Duniyaa Bhar Ke Sangrahaalayon Aur Niji Sangrahakartaayon Ke Paas Pade Hain.

In Waadyayantron Mein Se Adhikaansh Ko Maqabare Mein Rakhe Jaane Se Pehle Saavadhaani Poorvak Kapade Mein Lapetaa Gayaa Thaa.

In Saare Nishkarshon Ke Saath-Saath, Praarnbhik Itihaasakaaron Ke Lekh Tathaa Neel Ke Aasapaas Rahane Vaale Aadhunik Nivaasiyon Ki Paramparaayen, Misri Sangeetamay Itihaas Ke Baare Mein Sabse Pukhtaa Suboot Pesh Karati Hain, Tathaa Misri Sangeet Ki Praacheen Aur Samriddh Viraasat Ki Pushti Karati Hain.

Durbhaagyavash, Pashchimi Pandaito Dwaaraa In Spasht Misri Sabooton Ko Samooche Itihaas Mein Baar-Baar Vikrit Kiyaa Gayaa. Praacheen Misri Vishay Par, Vyaavahaarik Roop Se Sabhi Pashchimi Pandaiton Ne Is Mahaan Sabhyataa Ke Prati Tiraskaar Aur Irshyaa Kaa Bhaav Rakhaa. Pashchimi Pandaiton Ne Ek Taraf: 1) Misravaasiyon Ko Behad Roodhiwaadi Bataayaa, Jo N Badalate The N Hi Vikasit Hote The Aur N Hi Jinake Paas Koi Kalpanaa Thee, Vagairah-Vagairah; 2) Aur Saath Hi Saath Praacheen Misr Ki Upalabdhiyon Ko Gair Misri Sabhyataayon Se Udhaar/Choree/Nakal Kiyaa Gayaa Bataayaa. In Do Virodhaabhaasi Tarkon Kaa Ek Saath Upayog Bhalaa Kitanaa Tarkasangat Hai.

Jabaki Tathy Yeh Hai Ki Misravaasi (Praacheen Aur Baladi) Moolaroop Se Behad Paramparaawaadi Rahe Hain, Jaisaa Ki Sabhi Shuruaati Itihaasakaar Bataate Hain, Jaise Herodotus Ne The Histories, Book Two, 79 Mein, Kahaa Hai:

“Misravaasi Apani Sthaaneey Reeti-Rivaajon Ko Nibhaate Hain, Aur Kabhi Bhi Koi Baahari Taur-Tareekaa Naheen Apanaate.”

Herodotus, The Histories, Book Two, 91:

“Misri Log Yoonaani Reeti-Rivaajon Ko Apanaanaa Naheen Chaahate, Yaa Ise Samaany Taur Par Kahen To Ve Kisi Bhi Anya Desh Ke Reeti-Rivaajon Ko Apanaanaa Naheen Chaahate.”

 

[isaka ek ansh:Misri Waadyayantra dvaara likhit Moustafa Gadalla]