Unnat Misr Ke Medikal Laibreree

Unnat Misr Ke Medikal Laibreree

 

1. Antarrastriya Khyaati

Aaj Ke Daur Me Dava Ke Parche Par Likhe Jaane Vaale Jaane Pahachaane Sanket, Arayeksh Ki Shuruaat Praacheen Misr Me Huyi Thi. Doosari Shataabdi Men, Gailen Ne Apne Mareezon Ko Prabhaavit Karane Ke Liye Rahasyavaadi Prateekon Ka Istemaal Kiya Tha. Is Kaam Ke Liye, Usane Misri Roopak Horus Ki Ankh Ko Udhaar Liya Tha. Kahaani Bataati Hai Ki Horus Ne Apne Pita Ki Hatya Ka Badala Lene Ke Liye Apne Chaacha Set Par Hamala Kiya Tha. Is Ladaayi Men, Horus Ki Ankh Foot Jaati Hai, Jise Baad Me Thoth (Tehuti) Theek Kar Deta Hai.

Yah Misri Ankh Ka Chinh Kaalaantar Men, Jaane-Pahachaane Arayeksh Ke Chinh Me Badal Gaya, Jise Aaj Duniya Bhar Me Davaaon Ke Parche Par Dekha Ja Sakata Hai, Chaahe Parche Ki Bhasha Koyi Bhi Ho. Bahut Saari Davaaon Ke Nuskhe Pliny, Daiyoskoraayidas Gailen Tatha Anya Yunani Lekhakon Ke Lekhan Ke Maadhyam Se Europe Pahunche.

Warren R. Dawson, The Legacy Of Egypt Men, Likhate Hain:

Praacheen Lekhakon Ke Kaam… Amataur Par Vo Buniyaadi Maadhyam Hain, Jisake Zariye Adhikatar Praacheen Chikitsa Vidya Europe Pahunchi, Unake Alaava Jo Seedhe Udhaar Li Gayin… Chikitsa Ki Sabase Puraani Pustaken Misr Se Hain, Jisame Shareer Rachana Vigyaan Se Sambandhit Pahali Tippanaiyaan Hain, Shalya Chikitsa Aur Ausadhi Vigyaan Ke Pahle Prayog Hain, Khapachchiyon, Pattiyon Wa Anya Aujaaron Ke Arambhik Prayog Hain, Tatha Pahali Shaareerik Aur Chikitsa Shabdaawali Hai…

Yah Bilkul Saaf Hai Ki Misri Chikitsa Vigyaan Ki Maang Aur Saakh Videshon Me Bahut Zayaada Thi. Herodotus Ne Hame Bataaya Tha Ki Cyrus Aur Daara Dono Ne Misr Se Ilaaj Karaaya Tha. Baad Ke Samaya Me Bhi, Unake Kaushal Ki Dhaak Kaayam Rahi: Jaisa Ki Ammianus Ka Kahana Tha Ki Daoktar Ke Liye Itana Kah Dena Hi Paryaapt Tha Ki Vah Misr Ka Padha Hai. Pliny Ne Bhi Misr Se Rome Jaane Vaale Chikitsakon Ka Ullekh Kiya Tha.

Misravaasi Jis Tarah Se Apne Swaasthya Ki Dekhabhaal Aur Khyaal Karate The, Vo Videshiyon Khaasakar Yunaniyon Aur Romanon Ke Liye Ashcharya Ki Baat Thi. Pliny Ka Vichaar Tha Ki Itani Badi Sankhya Me Daoktaron Ka Matalab Hai, Ki Misr Me Beemaariyaan Bahut Zayaada Theen—Yah Ek Kutark Hai. Doosari Or, Herodotus Ne Bataaya Tha Ki Misravaasiyon Se Zayaada Swasth Koyi Nahi The.

 

2. Chikitsa Peshaa

Chikitsak

Chikitsa Vyavahaar Ki Samoochi Tasweer Ko Saaf Karane Ke Liye, Puraataatvik Khojon Dvaara Sau Se Adhik Daoktaron Ke Namon Aur Padavi Ki Soochi, Paryaapt Vivaran Ke Saath Nishchit Kiye Gaye. Imohotep (Triteeya Rajvansh) Ka Naam Misri Davaaon Ke Saath Hamesha Ke Liye Juda, Jise Baad Me Ilaaj Ke Yunani Devata, Asclepius Ke Naam Se Jaana Gaya.

Yahaan Tak Ki Puraane Saamraajya Ke Daur Me Bhi, Chikitsa Vyavastha Ka Star Behad Uncha Tha, Jahaan Daoktaron Ki Bhinn-Bhinn Vishesagyata Aur Shreniyaan Theen. Saamaanyaa Chikitsakon Ke Upar Paryavekshak, Mukhya Chikitsak, Varisth Chikitsak Wa Adheekshak Hote The. Saamaanyaa Chikitsakon Aur Shalya Chikitsakon Ke Beech Antar Rakha Jaata Tha.

Pratyek Chikitsak Apni Vishesagyata Ke Kshetra Me Achchhi Tarah Se Prashikshit Aur Kushal Hote The. Misri Chikitsak Behad Maahir Hote The. Herodotus Ne Bataaya Hai, Ki Ve Apni Vishesagyata Vaale Kshetra Ke Alaava Kisi Bhi Anya Kshetra Ka Abhyaas Nahi Kar Sakate The.

Praacheen Misr Men, Netr Chikitsak Hote The, Anton Ke Vishesagya (Guda Ke Rakshak) Hote The, Shareer Ke Taral Ke Sambandh Me Gyaan Aur Vishesagyata Vaale Antarik Rogon Ke Vishesagya Hote The, Naak Ke Chikitsak Hote The, Upari Vaayu Maargon Ki Beemaariyon Se Sambandhit Chikitsak Aur Pet Aur Daanton Ke Bhi Chikitsak The.

 Sanchaalan Aur Abhyaas

Maqabaron Aur Mandiron Me Kayi Tarah Ke Shalya Upakaranaon Aur Auzaaron Chitrit Kiya Gaya Hai, Jaise Kiah

  • Saqqara Sthit Ankh-Mahor, Ke Maqabare Me Chikitsa Aur Shalyakriya Se Sambandhit Bahut Saare Anokhe Bhitti-Chitra Maujood Hain. Iname Ek Chakamak Ka Chaaku Hai, Jise Kuchh Log Isake Praacheenata Ka Saboot Maanate Hain. Haal Ke Shalya Anusandhaanon Se Praacheen Kaal Ke Chakamak Patthar Ka Auchitya Spasht Ho Jaata Hai. Yah Pata Chala Ki Ankhon Wa Tantraikaaon Ke Kuchh Operation Men, Laava Kaanch Ka Muqaabala Achchhe Se Achchha Steel Bhi Nahi Kar Sakata, Isaliye Puraane Chakamak Chaaku Ka Adhunik Roop Fir Se Upayog Me Laut Raha Hai.
  • Kom Ombo Mandir Ki Baahari Galiyaare Ki Deevaar Par, Shalya Upakaranaon Ke Bakshe Ka Bhittichitra Bana Hai. Bakshe Me Dhaatu Ki Kataraniyaan, Cheerafaad Ka Chaakoo, Ari, Jaanch-Upakarana, Lepani, Chhote Hook Tatha Chimatiyaan Shaamil Hain.

Praacheen Misravaasi, Rajvansh Kaal Se Bhi Pahle Shalya Dvaara Upachaar Karane Lage The. Mummyion Ki Khopaadi Ko Bade Kareene Se Kaate Jaane Ke Sanket Mile Hain, Jo Behad Unnat Star Ke Mastisk Surgery Ka Parichaayak Hai. Operation Ki Prakriti Ka Sanket Dene Vaali Kayi Khopaadiyan Paayi Gayi Hain, Jiname Kayi Khopaadi Ke Kate Hue Khanda Ko Mukhya Hadadai Ke Saath Sila Gaya Tha, Isase Saabit Hota Hai Ki Operation Ke Baad Rogi Zinda Tha.

Halanki Mummyion Me Kisi Bhi Tarah Ki Shalyakriya Ke Chinh (Shav Lepan Ke Cheeron Ko Chhod Kar) Nahi Paaye Gaye Hain, Lekin Smith Ke Papyrus Me ‘‘Taanke’’ Ke Terah Sandarbh Diye Gaye Hain. Papyrus Ne Yah Bhi Ullekh Kiya Gaya Hai, Ki Ghaavon Ko Chipakane Vaali Tep Ki Sahaayata Se Chipakaaya Jaata Tha, Jo Lilen Ke Bane Hote The. Linen Ka Upayog Pattiyon, Bandhanon Aur Taanke Lagaane Me Bhi Kiya Jaata Tha. Suiyaan Sambhavatah Taambe Ki Hua Karati Theen.

Misri Chikitsak Jivaanaurahit (Saaf) Ghaavon Aur Sankramit (Mavaad Se Bhare) Ghaavon Ke Beech Bhed Karate The. Arambh Me ‘Rakt’ Ya ‘Balagam’ Ki Jaanch Ka Zikr Hai, Baad Me ‘Badaboodaar Bahaav’ Athava ‘Mal’ Ki Jaanch Ke Baare Me Bataaya Gaya Hai. Sankramit Ghaav Ko Saaf Karane Ke Liye Ibeksh Ki Charbi, Devadaar Ka Tel Aur Pise Hue Matar Ke Mishrana Ka Malaham Ke Roop Me Istemaal Kiya Jaata Tha. Pratyek Mandir Me Ek Vistrit Prayogashaala Hoti Thi, Jahaan Davaayen Banaayin Aur Rakheen Jaati Theen.

Jab German Vidvaanon Ne Misr Ki Chikitsa Papyri Ki Pahali Vyaakhya Ki To Ve Dang Rah Gaye. Unhonne Misri Davaaon Ko ‘‘Kachara Ausadhashaastra’’ Ka Naam Diya, Kyonki Misravaasi, Vibhinn Prakaar Ke Soojanon, Sankramanaon Aur Zakhmon Par Gobar Aur Vaisi Hi Doosari Cheezen Laga Kar Ilaaj Karate The.

Haaliya Dashakon Me Hue Penisilin Aur Antibiotic Davaaon Ke Aviskaar Ke Baad Hame Ahasaas Hua, Ki Praacheen Misri Darasal Inheen Davaaon Ke Maulik Aur Jaivik Sanskaranon Ka Upayog Karate The. Jise Germanon Ne ‘‘Kachara Ausadhashaastra’’ Kaha Tha, Usi Ko Ab ‘‘Aadhunik Chikitsaa’’ Kaha Jaata Hai. Isake Alaava, Misriyon Ko Vibhinn Prakaar Ke Antibiotic Davaaon Ke Baare Me Pata Tha. Unake Nuskhe Me Vibhinn Beemaariyon Ke Anusaar Antibiotic Davaayen Hoti Theen.

Moortiyaan Banaane Ki Praacheen Misri Takaneekon Ka Adhyayan Karate Hue Vidvaanon Ne Niskars Nikaala Hai, Ki Misravaasiyon Ko Ankh Ki Shaareerik Rachana Ki Hi Nahi, Balki Isake Apavartak Guno Ki Bhi Jaanakaari Rahi Hogi. Misriyon Ne In Guno Ka Anumaan, Pattharon Aur Kristalon (Ek Ankh Me Chaar Alag-Alag Prakaar Ke) Ki Sahaayata Se Lagaaya Tha. Jab In Misri Moortiyon Ki Tasweeren Li Jaati Hain, To Unaki Ankhen Bilkul Asali Lagati Hain.

 

3. Chikitsa Pustakaalay

200 Eiswi Ke Asapaas Sikandariya Me Rahane Vaale, Klemens Alexandrinus Ne Bataaya Tha, Ki Praarambhik Rajvansheeya Kaal Ke Misri Pujaariyon Ne Apne Samast Gyaan Ko 42 Pavitraa Pustakon Me Likh Rakha Tha, Jinhen Mandiron Me Rakha Jaata Aur Dhaarmik Juloos Me Le Jaaya Jaata Tha. In Pustakon Me Se Chhah Poori Tarah Se Dava-Ilaaj Se Sambandhit Theen, Jo Shareer Rachana Vigyaan, Saamaanyaa Rog, Shalya Chikitsa, Upachaar, Ankhon Ki Beemaariyon Tatha Stri Rogon Ke Baare Me Bataati Theen.

Bahut Saari Chikitsa Papyri Yugon Se Sanrakshit Hain. Isame Fefade, Yakrit, Pet Aur Mootraashaya Ke Rogon Tatha Sir Aur Khopaadi Ke Vibhinn Beemaariyon Ke Ilaaj Ke Nuskhe Diye Gaye Hain, Jiname Baal Girane Ya Pakane Se Rokane Vaale Nuskhe Bhi Shaamil Hain. Iname Vaatarog, Gathiya Tatha Stri Rogon Se Sambandhit Nuskhe Bhi Hain.

Gaair-Shaareerik Beemaariyon Se Sambandhit Kayi Anya Misri Papyri Ko Pashchimi Pandito Ne ‘‘Jaaduyi Papyri’’ Bataaya. Pramukh Chikitsa Papyri Ka Saaraansh Nimnalikhit Hai:

Edwin Smith Papyrus                     

Edwin Smith Papyrus Lagabhag 1600 B.C. Ka Hai. Lekh Me Puraane Saamraajya Ke Shabdon Ki Upasthiti, Bataati Hai Ki Is Papyrus Ko Lagabhag 2500 Eisa Poorv Ke Lekhon Se Naqal Kiya Gaya Tha, Yaani Jab Pyramidon Ka Nirmaana Hua Tha.

Yah Duniya Me Surgery Ki Sabase Puraani Pustak Hai. Isame Sir Se Lekar Nichale Angon Tak Vyavasthit Roop Se Kramabaddh, Peedaadaayak Prakriti Vaale, Surgery Ke Kul 48 Maamale Varnait Hain.

Sabhi Maamalon Men, Sabase Pahle Nidaan Ke Saaraansh Ko Vyakt Karane Vaala Ek Sankshipt Sheersak Diya Gaya Hai, Jisake Baad Vistrit Nidaan Diya Gaya Hai, Jisame Sankshipt Lekin Spasht Roop Se Rog Ki Pahachaan Wa Kabhi-Kabhi Usaka Ilaaj Diya Gaya Hota Hai.

Nidaan Ko Gahan Auer Baareek Nirikshan Ke Baad Taya Kiya Jaata Tha. Isake Niskars Me Teen Sambhaavanaayen Bataayi Jaati Theen: Chikitsak Ko Poorna Safalata Mil Sakati Hai, Ya Safalata Ki Thodi Sambhaavanaayen Hain Jinake Liye Prayaas Kiya Ja Sakata Hai, Ya Koyi Ummeed Nahi Hai Aur Is Maamale Me Chikitsak Ko Kuchh Nahi Karana Chaahiye

Takaneeken Bahut Si Aur Vividh Prakaar Ki Theen. Fracture Ko Theek Se Bithaaya Jaata Tha, Khapachchi Lagaayi Jaati Thi, Aur Ghaavon Par Taanka Lagaaya Jaata Tha. Ek Tarah Ka Chipakane Vaala Plaster Hota Tha, Jo Tooti Huyi Hadadaiyon Par Adbhut Kaam Karata Tha. Fracture Ke Poori Tarah Se Theek Ho Jaane Ki Misaalen Kayi Mummyion Me Dekhi Ja Sakati Hain.

Is Papyrus Ki Shuruaat Me Behad Romaanchak Vaakya Likhe Hue Hain:

Hridaya Ka Haal Jaanane Ke Liye Ungaliyon Par Kuchh Bhi Gina (Jaaye). Usame Nasen Hoti Hain Jo Shareer Ke Har Hisse Ki Or Jaati Hain…  Jab Koyi Sekhmet Ka Pujaari, Ya Chikitsak… Apni Anguliyon Ko Rakhata Hai, Sir Par… Do Haathon Pe, Dil Ke Paas… To Yah Bolata Hai… Har Nason Men, Shareer Ke Har Hisse Men.

Chikitsa Papyrus Yah Saabit Karate Hain Ki Misriyon Ne Rakt Sancharana Me Hridaya Ki Bhoomika Ko Jaan Liya Tha, Aur Unaka Maanana Tha Ki Hridaya Shareer Ke Jeevan Ka Srot Hai, Aur Unhonne Nabz Ko Anubhav Kiya Tatha Apne Nabz Ke Saath Tulana Karake Use Maapa.

Misravaasiyon Ka Yah Bhi Maanana Tha Ki Shareer Ke Sabhi ‘‘Aantarik Ras’’ Nason Ke Maadhyam Se Pravaahit Hote Hain, Jo Dil Se Nikalate Hain Aur Guda Par Ekatrit Hote Hain, Jahaan Se Unhen Fir Se Shareer Ke Vibhinn Bhaagon Me Punarvitarit Kiya Ja Sakata Hai. Amataur Par Vaayu, Rakt, Mootr, Balagam, Veerya Aur Mal Samooche Tantra Me Samanvaya Ke Saath Pravaahamaan Rahate Hain, Lekin Kabhi-Kabhi Yah Taalamel Bigadx Jaata Hai Aur Beemaari Utpann Ho Jaati Hai.

Smith Papyrus Me Maanav Mastisk Ka Shaayad Sabase Pahle Darj Kiya Gaya Varnaan Hai:

Jab Ap Kisi Adami Ki Jaanch Karen … Jisake Sir Par Ghaav Ho, Jo Hadadai Tak Jaata Ho, Aur Usaki Khopaadi Toot Gayi Ho, Tooti Huyi Khuli Khopaadi Me Usaka Mastisk Hai…. Vakr Jo Bahate Hue Dhaatu Me Se Ubharata Hai. Kuchh Aisa … Jo Apaki Ungaliyon Ke Neeche Fadakata (Aur) Dhadakata Hai, Jaise Kisi Bachche Ke Sir Ka Narm Sthaan Jo Abhi Poori Tarah Se Parikv Na Hua Ho…. Usake Dono Nathanon Se Khaoon Bahata Hai.

Adhunik Tantraikaavigyaan Me Huyi Tarakqi Se Saabit Ho Jaata Hai, Ki Praacheen Misravaasi, Tantraika Tantra Ki Kaaryapranaali, Tatha Mastisk Ke Vibhinn Hisson Wa Shaareerik Kriyaakalaapon Ke Beech Ke Sambandh Ke Baare Me Vistaar Se Jaanate The.

Ebers Medical Papyrus

Ebers Medical Papyrus Lagabhag 1555 B.C. Ka Hai. Yah Shareer Rachana Tatha Ausadhishaastraa Ke Shikshana Ki Niyamaawali Maani Jaati Hai. Isame 876 Ilaajon Ka Varnaan Hai, Aur Ilaaj Me Kaam Ane Vaale 500 Alag-Alag Padaarthon Vivaran Hai.

Ebers Papyrus Me Jin Beemaariyon Aur Unake Upachaar Ka Vivaran Hai, Uname Shaamil Hai, Pet Sambandhi Shikaayaten, Khaansi, Sardi, Dansh, Sir Ki Beemaariyaan, Yakrit Ki Samasyaayen, Jalane Tatha Anya Prakaar Ke Ghaav, Khujali, Fode, Sist Aadi, Ungaliyon Tatha Pair Ki Ungaliyon Ki Samasyaayen, Nason, Maansapeshiyon Aur Tantraikaaon Me Zakhm Wa Dard Ke Liye Maraham, Jeebh Ke Rog, Daant Ke Dard, Kaan Ke Dard, Striyon Ke Rog, Saundarya Prasaadhan, Aur Keedaan Ke Liye Gharelu Upaay, Hridaya Wa Shiraaon Se Sambadhit Do Pustaken Aur Tumor Ka Nidaan.

Berlin Papyrus

Berlin Papyrus Ki Tithi 1350 Se 1200 Eisa Poorv Ke Beech Ki Hai.

Yah Prasav Aur Shishuon Ke Baare Me Bataata Hai.

Isame Garbhaavastha Ke Pareekshana Ka Vivaran Diya Gaya Hai, Jisame Bataaya Gaya Hai Ki Mootr Me Garbhaavastha Ke Sanket Maujood Hote Hain. Isame Stri Ke Mootr Me Kuchh Gehoon Aur Kuchh Jau Ke Daanon Ko Bhigone Ki Salaah Di Gayi Hai. Agar Gehoon Ke Ankurit Hua, To Ladaka Hoga, Aur Yadi Jau Ankurit Hua To Ladaki.

1963 Me Ghalioungui Ne Paaya Ki Gair-Garbhavati Striyon Ka Mootr Jau Aur Gehoon Ke Ankurana Me Baadha Utpann Karata Hai, Halanki Isase Yah Bhi Saabit Hua Ki Anaaj Ke Vikaas Ki Dar Se Kisi Ajanme Bachche Ke Ling Ka Pata Lagaana Asambhav Hai, Sambhavatah Isaka Kaaran Vartamaan Aur Praacheen Misr Ke Anaaj Aur Mitti Me Antar Hai. Jo Bhi Ho, Magar Misriyon Ka Jaanana Ki Mootr Me Garbhaavastha Ke Sanket Hote Hain, Yahi Apneaap Me Asaadhaarana Hai. Garbhaavastha Ke Liye Mootr Pareekshanaon Ka Vishvasaneeya Maanakeekarana 1929 Tak Nahi Hua Tha.

Yah Jaan Kar Hairat Hoti Hai Ki Yah Nuskha Misr Se Chalakar Europe Ja Pahuncha, Jaisa Ki Satrahaveen Shataabdi Ki Ek Shaanadaar Pustak Men, Peter Boyer Ne Likha Hai:

Zameen Me Do Chhed Karen, Ek Me Jau Aur Doosare Me Gehoon Daalen, Fir Garbhavati Stri Ka Drav Lekar Dono Me Daal Den, Fir Us Zameen Ko Vaapas Dhnk Den. Agar Gehoon Pahle Ankurit Hua, To Ladaka Hoga, Aur Yadi Jau Pahle Ankurit Hua To Ladaki Hogi.

The Experienced Midwife Naamak Ek Chhoti Si Angrezi Kitaab Hai, Jisame Bhi Yah Nuskha Thode Saanshodhit Roop Me Dikhaayi Deta Hai.

Hearst Papyrus                                                                                                                               

Isaki Tithi 1550 Eisa Poorv Ke Asapaas Nirdhaarit Ki Gayi Hai, Aur Yah Chikitsakon Ke Liye Dishaanirdesh Jaisa Prateet Hota Hai. Isame 250 Se Adhik Nuskhe Aur Mantra Diye Gaye Hain, Jisake Alaava Isame Hadadaiyon, Danshon, Ungaliyon Ki Peeda, Tumor, Jalane, Stri Rog, Kaan, Ankh Aur Daanton Se Sambandhit Samasyaaon Ke Baare Me Ek Khanda Hai.

 

4. Ilaaj Aur Nuskhe

Praacheen Misriyon Ko Praakritik Chikitsa Aur Jadee-Bootiyon Ke Upayog Ka Poora Gyaan Tha, Jisame Unake Mahaarat Ka Alam Aisa Tha Ki Ve Isaki Madad Se Apne Mritakon Ke Shavon Ka Lepan Kiya Karate The, Ek Aisa Kamaal Jise Adhunik Maanav Aaj Tak Dohara Nahi Paaya.

Ebers Aur Hearst Papyri, Ke Saath-Saath Anya Chikitsa Papyri Me Bataaye Gaye Vibhinn Nuskhe Kaafi Tarkasangat Hain, Jo Lakshanaon Ke Upachaar Ke Liye Praakritik Ilaaj Bataate Hain. Ye Nuskhe, Paudhon, Pashuon Aur Khanijon Ke Saath-Saath Maanav Shareer Ke Saamaanyaa Shaareerik Guno Aur Kriyaaon Ke Baare Me Gyaan Ka Nateeja Hain.

Akele Ebers Papyrus Me 876 Ilaajon Ka Varnaan Hai, Aur Ilaaj Me Kaam Ane Vaale 500 Alag-Alag Padaarthon Vivaran Hai. Isame Plaster, Baam Aur Malaham Jaisi Bahut Si Davaaon Ke Banaane Ki Vidhi Di Gayi Hai—Jisame Vanaspati, Khanij, Aur Pashuon Ke Tatvon Ka Upayog Hota Tha.

Saamagriyon Ko Kabhi Peesa Jaata To Kabhi Ubaala Ya Fenta Jaata Tha. Kuchh Ko Kapade Se Chhaan Liya Jaata, To Kuchh Ko Saaf Paani, Beer, Sharaab, Tel Ya Doodh Me Ghol Liya Jaata Tha.

Ebers Papyrus Se Hame Pata Chalata Hai Ki Ek Nuskhe Me Kabhi-Kabhi Ghatakon Ki Sankhya 35 Tak Ho Jaati Thi.

Nuskhe Kayi Tareekon Se Diye Jaate The, Jaise Peya Padaarth Ya Goliyon Ke Roop Me Ya Maalish Ke Tel Ya Sinkaayi Ke Maadhyam Se. Kuchh Nuskhon Ko Soongha Bhi Jaata Tha.

Ve Apne Nuskhe Ko Bahut Saavadhaani Se Taulate Aur Maapate The.

Dava Ki Khauraak, Rogi Ki Ayu, Vazan Aur Ling Ke Anusaar Alag-Alag Hoti Thi.

Chikitseeya Guno Vaale Paudhe Jaane-Pahachaane Hote The. Jo Ausadheeya Paudhe Misr Me Nahi Ugate The Unhen Baahar Se Ayaat Kiya Jaata Tha. Syria Aur Asia Minor Se Devadaar Ka Ayaat Kiya Jaata Tha, Jisake Teekshna Raal Ka Enteeseptik Aur Shav Ke Lepan Saamagri Ke Roop Me Istemaal Hota Tha. Devadaar Ke Tel Ka Istemaal Sankramit Ghaavon Ko Saaf Karane Ke Alaava Kriminaashak Ke Roop Me Bhi Kiya Jaata Tha. Naak Ka Zukaam Theek Karane Me Kaam Ane Vaala Musabbar Tatha Khushbu Evam Masoodhon Ki Samasya Ke Maraham Ke Roop Me Kaam Ane Vaali Daalacheeni Ko Poorvi Africa Se Mngaaya Jaata Tha.

Shahad, Adhikatar Davaaon Me Ek Mahatvapoorna Ghatak Hota Tha. Shahad Me Jeevaanau Vriddhi Ke Prati Atyadhik Pratirodhak Kshamata Hoti Hai. Inhibine Naamak Jeevaanaunaashak Enzyme Ki Upasthiti Ke Kaaran Isame Antibiotic Guna Bhi Hota Hai. Adhunik Adhyayanon Me Shahad, Staphylococcus, Salmonella Aur Candida Bacteria Ke Khilaaf Prabhaavi Saabit Hua Hai. Yah Bhi, Surgery Ke Ghaav, Jalane Aur Ulcer Ke Ilaaj Ke Me Paaramparik Ilaaj Se Kaheen Zayaada Prabhaavi Hota Hai.

Madhumakkhi Se Praapt Ek Aur Utpaad Propolis (Madhumakkhi Ka Gond) Hai, Kathor Raal Jaise Is Padaarth Ko Madhumakkhiyaan Paudhe Ke Ras Banaati Hain, Aur Apne Chhatte Ke Daraaron Ko Bharane Me Istemaal Karati Hain. Propolis Me Antibiotic Ke Saath Hi Parirakshak Ka Guna Bhi Hota Hai. 3,000 Saal Pahle Praacheen Misr Me Ek Chhota Sa Chooha Madhumakkhi Ke Chhatte Me Ghus Gaya Tha, Jise Baad Me Poori Tarah Se Sanrakshit Avastha Me Paaya Gaya, Vah Poori Tarah Se Propolis Me Lipata Hua Tha Aur Usame Apaghatan Ke Koyi Sanket Nahi The.

Beer Ka Bhi Ullekh Ek Ghatak Ke Taur Par Kiya Gaya Hai, Jisase Kayi Davaayen Banati Theen, Aur Saath Hi Beer Ek Lokapriya Aur Swasth Peya Bhi Tha.

Unhen Khameer Ke Laabhon Aur Upayog Ki Jaanakaari Thi, Ve Chhaalon Aur Ulcer Par Ise Kachche Roop Me Lagaate The Tatha Paachan Ki Gadbadiyon Ko Door Karane Ke Liye Ise Nigalate The. Khameer Me Vitaamin Bi Ke Saath-Saath Antibiotic Tatva Hote Hain.

Jaisa Ki Pahle Charcha Ki Ja Chuki Hai, Praacheen Misr Me Ghaavon Tatha Khule Zakhmon Ke Ilaaj Ke Liye Antibiotic Davaaon Ke Upayog Kiya Jaata Tha.

Sankshep Men, Praacheen Misr Ke Ausadheeya Utpaad Behad Unnat The Jinaka Apna Rutaba Tha, Jisaka Ullekh Pliny Ne Apne Lekhan Me Baar-Baar Kiya Hai.

Homer Ke Odyssey Men, Thonis Ki Patni Polydamna Ne Helen Ko Kayi Keemati Davaayiyaan Di Thi Jab Vah Misr Me Thi,

Ek Desh, Jisake Upajaau Mitti Me Annt Ausadhiyaan Paida Hoti Hain, Jisame Se Kuchh Laabhadaayak Hain Aur Kuchh Haanikaarak, Jahaan Ka Har Ek Chikitsak Anya Sabhi Logon Se Zayaada Gyaan Rakhata Hai.

 

[isaka ek ansh:Praacheen Misri Sanskriti Ka Rahasyodghaatan -Vistaarit Dviteeya Sanskaran dvaara likhit Moustafa Gadalla]


Pustak kray aautalet: 

u – peedeeeph praaroop smashwords.chom par upalabdh hai
bee- epab praaroop https://books.applai.chom/…/moustaf-gadall/id578894528 aur smashwords.chom par kobo.chom, applai par upalabdh hai.
see – mobee praaroop  smashwords.chom par upalabdh hai