Srishti Prakriya Ki Ankavidya
1. Sabakuchh Sankhya Hai — Sankhyatmak Rahasyavad
Pracheen Misravasiyon Ke Pas, Vastavikata Ko Dekhane Ke Liye Ek Vaigyanik Aur Jaivik Pranali Thi. Jabki Aaj Ke Adhunik Vigyan, Mein Sabakuchh Mrit (Nirjeev) Mana Jata Hai. Vaigyanik Adhyayanon Ke Sankhyikeey Vishleshan Ke Dauran Hamare Adhunik Bhautik Sootra Is Mahatvapurna Cheez Ko Lagabhag Hamesha Darakinar Kar Dete Hain. Baladi Aur Pracheen Misravasiyon Ke Liye, Brahmanda — Samooche Aur Anshik Taur Par — Sajeev Hai.
Pracheen Misr Ke Sajeev Sansar Mein, Sankhya Ko Keval Ginti Nahi Mana Jata Tha, Balki Iske Bajay Unhein Prakriti Ke Urjavan Nirmanatmak Tatvon Ka Thos Pratibinb Mana Jata Tha. Misravasi In Urjavan Tatvon Ko Neteru (Devi-Devta) Kehte The.
Misravasiyon Ke Liye, Sankhyayen Keval Sam Aur Visham Nahi Thi, Balki Ve Stri Aur Purush Bhi Hua Karti Thi. Brahmanda Ka Har Ansh Stri Ya Purush Hai/Tha. Koi Bhi (Cheez) Tatasth Nahi Hai. English Mein Jahan Koi Bhi Cheez He, She Ya It Hoti Hai, Vaheen Misr Mein Iske Vipareet, Koi Bhi Cheez Keval He Ya She Hoti Thi.
Misravasiyon Ne Sankhyatmak Rahasyavad Ke Apne Gyan Ko Apne Jeevan Ke Sabhi Pahaluon Mein Abhivyakt Kiya Tha. Is Bat Ke Sakshy Maujood Hain Ki Misriyon Ke Pas Yeh Gyan Pradhan Tha. Iske Kuchh Udaharan Nimn Hain:
1 – Pracheen Misr Ki Sajeev Sankhya Ki Avadharana Ko Bade Hi Bhavpurna Dhang Se Nirdist Karte Hue, Plutarch Apne Moralia Ke Khand 5 Mein, 3:4:5 Ke Anupat Vale Trikon Ka Varnan Karte Hain:
Lamb Ko Purush, Tatha Adhar Ko Mahila Mana Ja Sakta Hai, Aur Karna Ko In Dono Ke Bachche Ke Roop Mein Man Sakate Hain, Aur Is Prakar Osiris Ko Udgam, Isis Ko Adhar, Aur Horus Ko Siddh Parinam Ke Roop Mein Mana Ja Sakta Hai. Teen Pratham Poorna Visham Sankhya Hai, Char Ek Varg Hai, Do Ki Sam Sankhya Jiska Mool Hai, Lekin Panch Kuchh Mayanon Mein Iske Pita Jaisa Hai, Aur Kuchh Mayanon Mein Iske Man Ke Jaisa, Kyonki Yeh Teen Aur Do Se Milakar Banti Hai. Aur English Shabd Panta (Sabhi), Pente (Panch) Ka Vyutpann Hai, Aur Ve Is Ginti Ko ”Panchon Dvara Sankhyankan” Kehte The.
Panch Apana Varg Banata Hai.
In Sankhyaon Ki Jeevan Shakti Aur Inka Parasparik Samvad Batata Hai Ki Ve Kis Prakar Purush Aur Stri, Sakriya Aur Nishkriy, Kshaitij Aur Oordhvadhar, … Adi Hain.
2 – Plutarch Ne Jab Likha Ki, Teen Pratham Poorna Visham Sankhya Hai, To Iska Matlab Hai Ki Misravasiyon Ke Liye, Ek (Visham) Sankhya Nahi Thi. Misravasiyon Ke Liye, Ek Koi Sankhya Hi Nahi, Balki Sankhya Ke Antarnihit Mool Tatva Ka Sar Tha, Jinase Sabhi Anya Sankhyayen Banti. ‘Ek’ Adhruvikrit Urja Ke Roop Mein Vah Ekatmakata Ka Pratinidhitva Karta Hai. Ek Na To Sam Hai Aur Na Hi Visham, Balki Vah Donon Hai, Kyonki Jab Ise Kisi Visham Sankhya Mein Jodte Hain To Sam Ban Jata Hai, Aur Isi Prakar Jab Ise Kisi Sam Sankhya Mein Joda Jata Hai To Visham Ban Jata Hai. Is Prakar Yeh Sam Aur Visham Ke Vipareet Ko Apas Mein Milta Hai, Tatha Brahmanda Ke Anya Sabhi Vipareeton Ko Bhi Apas Mein Milta Hai. Ekatmakata Ek Adarsh, Anant, Avibhedit Chetana Hai.
3 – Rhind (Tathakathit ‘Ganitiya’) Papyrus (1848-1801 B.C.) Ke Roop Mein Jane Jane Vale Pracheen Misri Papyrus Ka Sheersak Kahata Hai,
Prakriti Mein Maujood Har Cheej, Har Gupt Bat, Har Rahasya Ko Janane Ka Niyam.
Iska Ashay Bilkul Spasht Hai — Ki Pracheen Misravasi ”Sabhi Astitva” Ke Adhar Ke Roop Mein Sankhyaon Tatha Unke Paraspar Sambandhon (Tathakathit Ganait) Par Vishvas Karte The Aur Uske Liye Unhonne Niyam Banaya Tha.
4 – Garna Ki Pracheen Misri Paddhati Ka Adhyatmik Aur Prakritik Prakriyaon Ke Sath Seedha Sambandh Tha. Yehan Tak Ki Misri Papayari Mein Istemal Ki Gayi Bhasha Bhi Sajeev Sambandhon Ki Jeevan Shakti Ki Is Bhavana Ko Badhava Dene Ka Karya Karti Hai.
Rhind (Tathakathit ‘Ganitiya’) Papyrus Ke Roop Mein Jane Jane Vale Pracheen Misri Papyrus Ke 38 Number Vale Item Ke Udaharan Mein Hum Yeh Dekhte Hain, Jo Kahata Hai,
Main Teen Bar Hekat (Ek Paimana, Matra Ki Ikayi) Mein Jata Hoon, Mera Satavan Mujhamein Jod Diya Jata Hai, Aur Main Poori Tarah Se Santust Hokar Lautata Hoon.
5 – Leiden Papyrus J350: Ka Prasiddh Pracheen Misri Bhajan Is Bat Ki Pushti Karta Hai Ki Kam Se Kam Purane Rajvansh (2575-2150 B.C.) Ke Samay Se Misr Mein Sankhyatmak Prateekon Ka Upayog Hone Laga Tha. Leiden Papyrus Mein Srishti Ke Pracheen Akhyan Ke Tatvik Pahaluon Ka Varnan Karne Vali Vistarit Rachanayen Hain. Papyrus Ki Garna Ki Pranali, Srishti Ke Tatvon/Pakshon Ki Pahachan Karti Hai, Tatha Pratyek Iske Prateekatmak Sankhya Ke Sath Mel Khati Hai.
Is Misri Papyrus Mein 1 Se 9 Ki Sankhya Tak 27 Pad Hain, Uske Bad 10 Se 90 Tak Dahayi Mein Pad Hain, Fir 100 Se 900 Tak Pad Saikade Mein Hain, Jinmein Se Ab Keval 21 Bache Hain. Pratyek Ka Pahala Shabd Sambandhit Sankhya Ke Liye Ek Prakar Ka Yamak Hai.
Leiden Papyrus Ke Kuchh Bhagon Ki Charcha Agale Adhyayon Mein, Sankhya Rahasyavad/Moolyankan Ke Sath Sanyojan Ke Roop Mein Ki Jayegi. Halanki Iska Poora Vishleshan Moustafa Gadalla Dvara Likhit Egyptian Alphabetical Letters Of Creation Cycle Me Milega.
6 – Misr Ke Sabse Bade Mandir, Arthat Karanak Mandir Parisar Ka Pracheen Misri Nam Apet-Sut Tha Jiska Matlab Hota Hai, Sthanon Ka Ganak. Mandir Ka Nam Hi Sab Kuchh Bata Deta Hai. Yeh Mandir 1971 B.C. Madhy Rajvansh Mein Shuru Hua Tha Aur Agale 1,500 Sal Tak Ismein Vriddhi Hoti Rahi. Is Mandir Ki Design Aur Garna, Srishti Ke Sankhyatmak Code Ke Anuroop Hai.
Misr Mein Shikshit Pythagoras (580-500 B.C.) Ke Madhyam Se Sankhyatmak Prateekon Ki Yeh Misri Avadharana Pashchim Mein Lokapriy Hui. Yeh Ek Gyat Tathya Hai Ki Pythagoras Ne Lagabhag 20 Varshon Tak Misr Mein Adhyayan Kiya.
Pythagoras Aur Uske Nikat Anuyayiyon Ne Swaym Apana Likha Kuchh Bhi Apne Peechhe Nahi Chhoda. Fir Bhi, Pashchimi Vidvan Pythagoras Aur Tathakathit Pythagoreans Ko Ek Na Khatm Hone Vali Soochi Ko Zariye Badi-Badi Upalabdhiyon Ka Shrey Dete Aye Hain. Pashchimi Panditon Ne To Unke Nam Par Ek Blank Chek Hi Jari Dala Hai.
Kaha Jata Hai Ki Pythagoras Aur Unke Anuyayi Sankhyayon Ko Divya Avadharanaon Aur Ishwar Ki Kalpanaon Ke Roop Mein Dekhte The, Jisne Sankhyatmak Pratiman Ke Anukram Ka Palan Karte Hue Anant Vividhataon Vala Brahmanda Banaya.
Theek Yehi Siddhant, Pythagoras Ke Janm Se 13 Sadi Pehle, Misr Ke Rhind Papyrus Ke Sheersak Mein Vyakt Kiya Gaya Hai, Jiska Vachan Hai,
Prakriti Mein Maujood Har Cheez, Har Gupt Bat, Har Rahasya Ko Janane Ka Niyam.
Age Ke Adhyay Mein Kuchh Sankhyaon Aur Unke Prateekatmak Mahatva Ke Bare Mein Sankshep Mein Varnan Kiya Jayega.
2. Prakritik Pragati- Srishti Ke Chakra Ka Kramabaddh Anukram
Srijan, Adikal Ke Sabhi Kolahal (Avibhedit Urja/Tatva Aur Chetana) Ki Chhantayi (Kramabaddh Karna/Paribhasha Dena) Hai. Srishti Se Sambandhit Pracheen Misr Ke Sabhi Shastra Ise Achchhi Tarah Se Paribhashit Tatha Spasht Roop Se Seemankit Charanon Mein Pradarshit Karte Hain. Misravasiyon Dvara, Nu/Nyi/Nun Ki Avastha Yani — Neutron Soup Se Jagane Vale Srishti Ke Is Charan Ko Atam/Atum Kaha Gaya.
Pracheen Misri Lekh, Hamein Hamesha Yeh Batate Hain, Ki Kis Prakar Ek Avastha, Doosri Avastha Ke Roop Mein Vikasit Hoti Chali Jati Hai. Aur Hamne Hamesha Yehi Paya Ki Koi Bhi Do Lagatar Avasthayen Ek Doosre Chhaviyan Hoti Hain. Na Keval Yeh Vaigyanik Dristi Se Sahi Hai, Balki Kramabaddh, Prakritik, Aur Kavyatmak Bhi Hai. Misravasi, In Vaigyanik Aur Darshanik Vishayon Ka Kavyatmak Roop Mein Lekhan Karne Ke Liye Prasiddh The.
Srishtikarta Ne Prakritik Cheezon Ko Kramabaddh Roop Mein Sthapit Kiya, Aur Unhein Sankhya Ki Sahayata Se Vyavasthit Kiya. Sankhya Apne Aap Mein Na To Moort Hain Aur Na Hi Amoort. Sankhyayen Un Karyaon Aur Tatvon Ke Nam Hain Jin Se Yeh Brahmanda Bana Tatha Uska Palan Ho Raha Hai.
3. Sarvabhaumik Sankhya Do — Isis, Stri Mool Tatva
Hamne Dekha Hai Ki Srijan Poorv Ke Shoonyata Vale Kolahal Ke Daur — Nun Se, Kaise Sampoornata Vale Atam Ke Roop Mein—Ek Vyavasthit Srishti Ka Arvibhav Hua.
Hamne Yeh Bhi Dekha Hai Ki Kaise Jeevan Ki Ek Avastha Se Jeevan Ki Agali Avastha Prakat Hoti Hai Ya Agali Avastha Ke Roop Mein Vikasit Hoti Hai, Aur Kaise Har Do Nazdeeki Charan Ek-Doosre Ki Chhaviyan Hoteen Hain. Jaise 0 Aur 1—0 Ki Sankhya, Kuchh Bhi Nahi Ya Nahi Ke Barabar Hai, Aur 1 Ka Matlab Sarvasv Hai, Vaise Hi Nun Aur Atam Ek-Doosre Ki Chhaviyan Hain.
Paramatma (Us Ek) Ke Ekatmakata Ke Prakash Se Utpann Pahali Cheez Thi, Sakriya Karan Ka Aveg, Jiski Punaravritti Se Do Uday Hue.
Yeh Divya Sakriya Karan Vichar Vah Pahali ‘Cheez’ Thi Jiska Astitva, Pratham — Atam Ke Karya, Vnsh Aur Chhavi Ke Roop Mein Agrasar Ho Sakta Tha. Garbh Dharana Karne Ki Kshamata — Manasik Aur Bhautik Donon Roopon Mein — Ko Svabhavik Roop Se Atam Ki Ekatmakata Ke Stri Paksh Dvara Nari Tatva — Isis — Ke Roop Mein Nirupit Kiya Gaya. Plutarch Ke Lekhan Mein Spasht Roop Se Is Bat Ki Pushti Ki Gayi Hai. Vah Apne Moralia Ke Khand 5 Mein Likhate Hain,
“…, Karan Ke Aveg Ki Vajah Se. Pratyek Akaron Aur Svaroopon Ke Prati Grahanasheel Ban Kar, Isis Ne Apne Aap Ko Bhinn-Bhinn Cheezon Mein Dhal Diya.”
Yeh Isis Ki Satta Ka Divy-Man Ya Divy-Buddhi, Ya Divy-Bauddhik-Vidhan Tha Jisase, Anekata Ya Jatilata, Ya Bahulata Ka Prarambh Hua.
Jagat Ke Swami — Paramatma — Tatha Jagat Janani Ke Beech Sambandhon Ka Sarvashresth Roop Mein Sangeet Ki Shabdavali Mein Varnan Kiya Gaya Hai. Atam — Paramatma — Tatha Unke Stri Roop (Isis) Ke Beech Ka Rishta Vaise Hi Hai, Jaise Sur Ki Dhvani Tatha Uske Saptak Ke Svar Ke Beech Ka Rishta. Tar Ki Lambayi Ko Ekata Manen. Tar Ko Chheden To Ek Dhvani Utpann Hoti Hai. Ab Tar Ke Madhyabindu Se Us Tar Ko Rok Dn Tatha Fir Use Chheden. Ab Poore Tar Ke Mukabale Is Tar Se Utpann Knpan Ki Avritti Doguni Ho Jati Hai, Tatha Iska Iska Sur Ek Saptak Ooncha Ho Jata Hai. Tar Ki Lambayi Ko Do Se Vibhajit Kiya Gaya Tatha Prati Second Kanpan Ko Do Se Guna Kar Diya Gayeh Ab Adha 1: 2) Apani Vipareet Chhavi (2:1), 2/1 Ko Nirmit Karta Hai. Atam Aur Isis Isi Layabaddh Sambandh Ka Pratinidhitva Karte Hain.
Isis Ki Sankhya Do Hai, Jo Sabhi Astitvaon Ke Adhar Ka Pratinidhitva Karne Vali Kshaitijata, Nari Chnchalata, Bahulata Aur Dharana Karne Ki Shakti Ka Prateek Hai.
Pracheen Misri Soch Ke Anusar Do Ki Sankhya Ke Roop Mein Isis Pratham Tatva — Alaukik Buddhi Ki Chhavi Hai.
Buddhi Ka Paramatma Atam Ke Sath Sambandh Vaise Hi Hai, Jaise Surya Ke Sath Surya Ke Prakash Ka Sambandh Hai. Pracheen Misri Lekh Isis Ka Varnan Alaukik Surya Ke Prakash Ke Roop Mein Karte Hain, Aur Isliye Use Nimnalikhit Namon Se Pukarte Hain:
– Jagat Ke Swami Ki Putrai.
– Mahila Re.
– Re Ke Sath Swarg Mein Prakash Pradan Karne Vali.
Is Prakar Isis Paramatma Se Utsarjit Urja Hai. Sarvabhaumik Nari Tatva Roop Mein, Vah Keval Brahmanda Ko Garbh Mein Dharana Kar Sakati Hai Aur Use Janm De Sakati Hai.
Doosre Shabdon Mein Kaha Jaye To, Isis Brahmandiya Rachanatmak Pravah Ki Vah Chhavi Hai — Jise Re Kehte Hain. Isliye Pracheen Misri Lekh Re Ka Varnan Karte Hue Kehte Hain:
‘Teri Maya, Isis Ki Kaya”
Iska Matlab Hai Ki, Rachanatmak Urja Ke Roop Mein, Re Hi Alaukik Nari Tatva Isis Ke Vibhinn Svaroopon Mein Bhi Prakat Hota Hai. Isliye Isis Ko Nimnalikhit Namon Se Bulaya Jata Hai:
-Mahila Re.
-Samay Ke Armbh Ki Nari.
-Sabhi Astitvaon Ka Moolaroop.
-Mahanatam Neteru (Arthat Divya Shaktiyan).
–Sabhi Neteru Ki Rani.
Pracheen Misri Granthon Mein Isis Ko Matri-Devi Ke Roop Mein Manyata Prapt Hai.
Hamari Devi Mata — Isis Kitana Pyar Karne Vali Hain. Vah — Nari Tatva — Srijit Jagat Ka Avyooh Hai. Avyooh Ke Liye Prayukt English Shabd Matrix Ek Matritv Vala Shabd Hai, Mater-X.
Bauddhik Star Par Pahala Vichar, Ek Vyavasthit Yojana Ki Ruparekha Banana Hota Hai. Pracheen Misravasiyon Ne, Kramabaddhata Aur Layabaddhata Ka Pratinidhitva Karne Vali Mat Ke Roop Mein, Srijan Prakriya Ke Kramabaddh Aur Layabaddh Prakriti Par Zor Diya Hai. Mat, Nari Tatva — Isis Ki Abhivyaktiyon Mein Se Ek Hai.
Pracheen Misri Papyrus, Jise Bremner-Rhind Papyrus Ke Nam Se Jana Jata Hai, Hamein Is Yojana Ke Bare Mein Batati Hai.
”Maine Apne Dil Mein Kalpana Ki, Tab Bachchon Ke Roop Mein Aur Fir Unke Bachchon Ke Roop Mein Alaukik Praniyon Ke Dher Sare Svaroop Astitva Mein Aye.”
Ek Se Anek (Divya Jeev) Utpann Karne Ki Avadharana Ki Kalpana, Srishti Ka Pahala Kadam Tha.
Matri-Devi Isis Ne Apne Prem Se Paripoorna Hriday Mein Yojana — Adhyatmik Ya Bauddhik Roop Mein — Ki Kalpana Ki. Yeh Bhavpurna Aur Kavyatmak Donon Hain, Kyonki Hriday Ko Bauddhik Vicharon, Chetana, Aur Naitik Sahas Ka Prateek Mana Jata Hai/Tha. Is Prakar Isis Ko Mazaboot Dil Vala Bhi Mana Jata Hai.
Jagat Ke Garbh Ke Roop Mein, Devi Man Isis Kitani Bhavpurna Hain, Jinhonne Srijan Ke Yojana Ki Kalpana Ki Fir Uske Anshon Ko Janm Diya — Apne Bachchon Aur Unke Bachchon Ke Roop Mein.
Pracheen Misri Lekh Srishti Ke Kramabaddh Anukram Par Bal Dete Hain, Jo Mool Roop Se, Anivarya Lalasa Ya Srot Ki Or Pratyavartan Ke Sath Anivarya Nirgaman Aur Yatra Karne, Ya Alokit Hone Ki Pranali Hai. Astitva Ke Sabhi Roop Aur Charan, Divyata Se Pravahit Hote Hain Tatha Vapas Vaheen Lautane Aur Rahne Ke Liye Prayas Karte Hain.
4. Sarvabhaumik Sankhya Teen — Osiris, Purush Tatv
Ab Divya Garbh Mein Srishti Ki Yojana Ki Kalpana Hone Ke Bad, Ise Jeevan Pradan Karna Is Disha Mein Agala Tarkik Charan Hai. Isliye Alaukik Vichar — Isis, Apani Soch Ko Sakar Karne Ke Liye Ek Upayukt Shakti Ko Utpann Karti Hai. Sabakuchh Ki Atma Ya Brahmanda Ki Atma Ne Jeevan Utpann Karne Ya Srijan Yojana Ko Sajeev Karne Ka Karya Kiya. Pracheen Misr Mein Brahmanda Ki Atma Ko Osiris Ke Roop Mein Darshaya Gaya — Jo Srishti Ke Anukram Mein Teesare Number Par Hai, Tatha Sankhya 3 Dvara Use Nirupit Kiya Gaya Hai. Osiris, Anant Udgam Aur Doosre Saaratv Yani Srishti Ke Bauddhik-Tatva Ki Chhavi Hai.
Srishti Ki Pratyek Avastha Mein Apne Aap Ki Chhavi Paida Karne Ki Pravriti Hoti Hai, Yeh Agale Sarvochch Ki Or Bhi Pravrit Hoti Hai, Jiski Vah Swaym Apne Aap Mein Ek Chhaya Ya Nimn Abhivyakti Hoti Hai — Jaise Isis Pratham Tatva Ki Ek Chhavi Hai, Theek Usi Tarah Osiris Uski Parachhayi Hai. Kitani Gyan Se Bhari Batein Hain!
Srishti Ke Kramabaddh Anukram Mein, Yeh Nari Tatva Isis Thi Jisne Yojana Ki Kalpana Karne Ke Bad Use Jeevant Kiya. Isliye Isis Ko Is Prakar Pukara Gaya Hai:
– Isis, Jeevanadayini Hai!
– Isis, Jeevan Ki Nari Hai!
– Isis, Jeevanadatri Hai!
– Isis, Neteru Nivasini Hai!
5. Sarvabhaumik Trimurti Aur Dvait
Jaisa Ki Hamne Dekha Hai, Kisi Cheez Ko Utpann Karne Aur Jeevant Karne Mein Teen Ghatak Shamil Hote Hain. Is Prakar Santati Ke Adipraroop Mein Srishtikarta Trimurti Ke Teen Tatva Shamil Hote Hain, Jinka Snkshipt Vivarana Is Prakar Hai:
Jismein Pahala Hai, Paramatma Ya Pratham Astitva — Jise Misravasiyon Dvara Atam Kaha Gaya.
Paramatma — Vah Ek Jo Sarvasv Hai.
Isamein Doosra Stri Tatva Hai, Jise Isis Kaha Jata Hai, Jo Ek Alaukik Man Hai, Ya Pratham Vicharak Aur Vichar Hai, Jo Adhyatmik Aur Bhautik Sankalpana Ka Ek Sthan Hai — Ek Garbh Hai, Ek Kaksh Hai, Samoocha Brahmanda Hai.
Isamein Kadi Mein Teesara Hai, Osiris Ke Roop Mein Jana Jane Vala Sajeev, Jeevant, Gatisheel, Urjavan, Purush Tatva, Jise Brahmanda Ke Pran Ke Roop Mein Jana Jata Hai.
Pracheen Misravasiyon Ne Srijan Ki Prakriya Mein Trimurti Ke Mahatva Ko Sveekar Kiya Tha. Jaise Ki, Pracheen Misri Lekh Trimurti Ko Ikayi Ke Roop Mein Prastut Karte Hain, Tatha Ekavachan Ke Sarvanam Dvara Vyakt Karte Hain — Vah Teen Hai, Jo Ki Do Hai, Jo Ki Ek Hai.
Tray Devatva Hai, Aur Paramatma Hai. Yeh Devatva Ke Nirgami Urja Ki Abhivyakti Hai. Bremner-Rhind Papyrus Ke Roop Mein Prasiddh Pracheen Misri Lekh Mein Ise Bade Hi Bhavpurnata Tareeqe Se Vyakt Kiya Gaya Hai:
“Main Jinka Agravarti Tha, Un Do Agravartiyon Ka Maine Srijan Kiya,
Mujhe Unapar Prathamikata Thi, Jin Do Agravartiyon Ka Maine Srijan Kiya,
Mera Nam Unse Agravarti Tha
Maine Unse Unhein Agravartiyon Banaya, Jin Do Agravartiyon Ka…”
Misri Lekh Hamein Vah Ekatmakata Dikhate Hain, Jismein Swa Ki Chetana Jag Rahi Hai, Aur Jo Dhruveekrit Urja Ke Roop Mein Do Naye Tatvon Srijan Kar Raha Hai, Jinmein Se Pratyek Ek Doosre Ki Prakriti Ko Sajha Karte Hain. Doosre Shabdon Mein, Stri Tatva Tatha Purush Tatva Donon Ekdoosre Ko Sajha Karte Hain.
Bauddhik Star Par, Nari Tatva Nishkriy Aur Sakriya Donon Hai, Isis Nishkriy Avastha Mein Yojana Ki Sankalpana Karti Hai, Aur Iske Bad Us Yojana Ko Jeevan Pradan Karti Hai, Is Prakar Vah Nishkriyata Ke Vistar Ke Roop Mein Apani Sakriyata Pradarshit Karti Hai, Yani Buddhi Aur Jagat Ki Atma, Sakriya Aur Nishkriy Buddhi Ke Sambandh Se Kam Karti Hai.
Buddhi Hamesha Jas Ki Tas, Ek Saman Gatiheen Gatividhi Mein Leen Rahati Hai. Yeh Ek Stri Guna Hai. Isaki Or Aur Iske Charon Or Gati Atma Ka Karya Hai, Jo Buddhi Se Atma Ki Or Agrasar Hoti Hai, Aur Atma Ko Bauddhik Banati Hai, Vah Buddhi Aur Atma Ke Beech Kisi Aur Prakriti Ko Utpann Nahi Karti Hai.
Aur Atma Ke Star Par, Isis Nishkriy Atma Hai Aur Osiris Sakriya Atma. Hum Bar-Bar Yeh Dekhte Hain, Ki Srishti Ka Anukram Prakritik Pragati Ke Charan, Aur Sath Hi Sath Nimn Charan Ki Chhavi — Aur Uske Pratilom, Par Adharit Hota Hai. Nishkriy-Sakriya Se Sakriya-Niskriy Hona, (Kahen To) Srishti Ki Shrrinkhalit Pratikriya Hai.
‘Shashvatata’, Ke Vipareet Samay Ko Atma Ke ‘Jeevan’ Ke Roop Mein Darshaya Gaya Hai, Jo Buddhi Ke Astitva Ki Vidhi Hai. Halanki, Atma Ek Astitva Hai, Jiska Vistar Vastavikata Ke Vibhinn Staron Tak Hota Hai, Aur Hum Use Kabhi Uchchatam To Kabhi Nimnatam Star Par Pate Hain, Atma Ka Buddhi Ko Kafi Had Tak Atmasat Kar Leti Hai.
Atma Ke Sath Buddhi Ka Sambandh Vaise Hi Hai, Jaise Chandrama Ke Prakash Ka Sambandh Surya Ke Prakash Ke Sath Hai. Jis Prakar Surya Ke Prakash Se Alokit Chand Ka Prakash Surya Ke Prakash Ki Nakal Hai, Theek Usi Prakar Jab Atma Buddhi Ke Pravah Ko Atmasat Karti Hai, Tab Uske Guna Shresth Ho Jate Hain, Tatha Uska Krity Buddhi Ke Krity Ki Nakal Ban Jata Hai. Jab Uske Guna Shresth Ho Jate Hain, To Vah Apne Saratv Ya Swa Tatha Apne Tatva Ki Vastavikata Ko Jan Leta Hai.
Divya Man Aur Divya Atma Ki Sanyukt Shakti Prakritik Sansar Ke Srijan Ko Sambhav Banati Hai. Divy-Bauddhik-Tatva Ke Roop Mein Isis Ke Do Karya Hain — Upar Ki Or Ekatm Ka Chintan Tatha Neeche Ki Or Sabhi Atma Ka ‘Srijan’. Theek Isi Tarah, Sabhi Atma Ke Do Karya Hote Hain: Vah Ekabar Bauddhik Tatva Ka Chintan Karti Hai Aur Apne Paripoorna Swa Ki Udarata Svaroop Prakriti-Sadrish Tatha Utpadak Atma Ko ‘Utpann’ Karti Hai, Jiska Karya, Divya Vicharon Ke Anuroop Yani Jaisi Kalpana Divya Man Ne Ki Hai, Theek Usi Jaise Nimn Star Vale Bhautik Jagat Ko Utpann Karna Ya Akar Dena Hai. Sabhee-Atma Gati Tatha Sath Hi Sath Svaroop, Ya Padarth, Ya Indriyanubhoot Brahmanda Ka Chalata Firata Karan Hai, Jo Atma Ka Krity Aur Prasarjan, Chhavi Tatha ‘Chhaya’ Hai.
Stri Urja Tatha Purush Urja Ki Sanyukt Shaktiyon Ke Sath, Srijan Yojana Jeevant Ho Sakati Hai.
6. Sarvabhaumik Sankhya Panch — Horus, Ek Tathya
Do Ki Sankhya, Bahulata, Parivartanasheelata, Dharana Kshamata Jaisi Stree-Shakti Ka Pratinidhitva Karti Hai, Jabki Teen Ki Sankhya Purush Ka Prateek Hai. Yeh Brahmanda Ka Sangeet Tha — Adi Stri Aur Purush Ke Brahmandiya Prateekon Osiris Aur Isis Ke Beech Yeh Brahmandiya Jugalabndi Chhidi Tatha Swarg Ke Is Vivah Se Santan Horus (Sankhya 5) Ka Janm Hua.
Sare Tathya Bina Kisi Apavad Ke Prakriti Mein Dhruviya Aur Tatva Roop Mein Triayami Hote Hain. Isliye, Panch Prakat Brahmanda Ko Samajhane Ki Kunji Hai, Jise Plutarch Ne Misri Sandarbh Mein Is Prakar Kaha Hai,
… Aur Panta (Sabhi), Pente (Panch) Ka Vyutpann Hai, …
Pracheen Misr Mein, Sankhya Panch Ka Mahatva Aur Karya Ka Snket Usako Likhe Jane Ke Dhang Se Milta Hai. Pracheen Misr Mein Sankhya Panch Ko Teen III Ke Upar Do II Ke Roop Mein, (Ya Kabhee-Kabhi Panch Nonk Vale Sitare Ke Roop Mein) Likha Jata Tha. Doosre Shabdon Mein Kaha Jaye To Sankhya Panch (Putra–Horus), Sankhya Do (Man–Isis) Aur Sankhya Teen (Pita–Osiris) Ke Beech Sambandhon Ka Phal Hai.
7. Srijan Ka Sankhyatmak Anukram 2,3,5 … Ek Yog Shrrinkhala
2,3,5 … Isis Ke Sankhyatmak Srijan Ke Bad Osiris Ka Sankhyatmak Srijan, Aur Uske Bad Horus Ka Sankhyatmak Srijan Ka Anukram Hai.
Yeh Ek Pragatisheel Shrrinkhala Hai, Jismein Aap Pracheen Misri Pranali Ke Do Prathamik Sankhyaon Yani 2 Aur 3 Ke Sath Shuru Karte Hain. Fir Aap Uske Yog Ko Agali Sankhya Ko Jod Sakate Hain, Aur Isi Prakar Age Jodte Ja Sakate Hain — Koi Bhi Sankhya Apne Do Poorvavarti Sankhyaon Ka Yog Hoti Hai. Atah Yeh Shrrinkhala Kuchh Is Prakar Banegi:
2
3
5 (3+2)
8 (5+3)
13 (8+5)
21 (13+8)
34 (21+13)
55 (34+21)
89, 144, 233, 377, 610, . . .
Yog Ki Shrrinkhala Samast Prakriti Mein Dikhayi Deti Hai. Kisi Soorajamukhi Ke Beejon Ki Sankhya, Kisi Fool Ki Pankhudiyan, Cheed Ke Shnkuon Ki Vyavastha, Kisi Nautilus Ke Khol Ka Vikas, Adi — Ye Sabhi Shrrinkhala Ke Isi Pattern Ka Palan To Karti Hain.
(Is Yog Shrrinkhala Aur Pracheen Misr Mein Kam Se Kam 4,500 Varshon Ke Dauran Iske Upayog Ke Bare Mein Aur Adhik Janakari Ke Liye Moustafa Gadalla Dvara Likhit Pustak The Ancient Egyptian Metaphysical Architecture)
[isaka ek ansh:Misr Ka Brahmanada Vigyan:Sajeev Brahmanada, Teesra Sanskaran dvaara likhit Moustafa Gadalla]
————————————————————————————————————————
Pustak kray aautalet:
u – peedeeeph praaroop smashwords.chom par upalabdh hai
bee – epab praaroop https://books.applai.chom/…/moustaf-gadall/id578894528 aur smashwords.chom par kobo.chom, applai par upalabdh hai.
see – mobee praaroop smashwords.chom par upalabdh hai