Bilkul Sahee Misr Kailendar

 

To Chaliye Ab Ham Praacheen Misri Calendar Ki Sameeksha Karake Misr Ki Praacheenata Ki Khoj Karane Chalate Hain.

Misriyon Ke Banaaye Hue Sabase Sateek Calendar Me Parilakshit Hone Vaale, Unake Khagol Vigyaan Ke Unnat Gyaan Ko Mahaan Strabo (64 B.C.-25 A.D.) Ne Sweekaar Kiya Aur Likha:

Unhonne (Misri Pujaariyon Ne) Yunaniyon Ko Sampoorna Varsh Ke Rahasyon Ka Bhed Bataaya, Jise Baad Me Kayi Anya Baaton Ki Tarah Najarayandaaj Kar Diya Gaya…

Misr Ka Saral Aur Behad Sateek Calendar, Akaash Me Sabt (Sirius) Ki Chaal Ke Avalokan Aur Adhyayan Ke Adhaar Par Taiyaar Kiya Gaya Tha. Isaliye Praacheen Misri Calendar Ko Sothic Calendar Kaha Jaata Hai, Arthaat Shvaan Taare Sirius (Sabt) Se Sambandhit Calendar.

Praacheen Misravaasi Is Baat Ko Jaanate The Ki Varsh 365¼ Dinon Se Thode Sa Adhik Hota Hai. Prithvi Ko Ek Chakkar Ko Poora Karane Me 365. 25636 Din Lagate Hain.

Yahaan Is Baat Par Dhyaan Diya Jaana Chaahiye Ki Adhunik Misri Puraatatvashaastraiyon Dvaara Praacheen Misri Itihaas Ke 3000 Saal Ke Kaalakram Ka Nirdhaaran Kar Paana, Praacheen Misri Sothic Calendar Ki Sateekata Ki Vajah Se Hi Sambhav Ho Saka, Jisaki Vaarsik Avadhi 365. 25636 Dinon Ki Hoti Hai. Isake Alava, Yah Misri Calendar Hi Hai, Jisane Duniya Bhar Ke Itihaas Ke Khojiyon Ke Liye Sansaar Ke Sabhi Deshon Ki Ghatanaaon Ki Tithiyon Ka Anumaan Laga  Paana Sambhav Banaaya — Yahaan Tak Ki Jin Deshon Me Kabhi (Sahi Ya Koyi) Calendar Tha Hi Nahi, Un Deshon Ke Liye Bhi. Vyaavahaarik Praacheen Misavaasri 12 Maheene Ka Vaarsik Calendar Istemaal Karate The, Jisake Pratyek Maheene Me 30 Din Hote The. Ise Ek Sampoorna Varsh Banaane Ke Liye Samaadhaan Ki Jaroorat Padati Hai, Yaani 365. 25636 Din Aur 360 (30×12) Din Ke Beech Ke Antar Ko Hal Karane Ke Liye Nimn Upaaya Kiya Jaata Tha:

1. Misri Saal Ke Ant Me 5. 25 Dinon Ka Antar Ata Hai, Jisake Liye Me Pratyek Saal Me 5 Din, Aur Har 4 Saal Me Ek Atirikt Din Jod Diya Jaata Hai. Vartamaan Me 11 September (2007) Ko Praacheen Misri Varsh Shuru Hota Hai. Jisame Atirikt 5/6 Din 6 September Ko Shuru Ho Jaata Hai.
2. Pratyek Varsh Men, 0. 00636 Din (365. 25636-365¼ Din) Ke Antar Ko Theek Karane Ke Liye, Har 157¼ Saal (1/0. 00636) Par Ek Atirikt Din Jodane ki Jaroorat Padati Hai, Jise Misravaasiyon Ne Aaj Ki Taareekh Tak Karana Jaari Rakha Hai. Is Ek Atirikt Din Ko Har 157, 314, 471, Aur 629 Saal Ke Chakra Me Jodakar Ise Poora Kiya Gaya Hai. “Latin” Calendar Ke Saath Praacheen Misri Calendar Ki Tulana Kiye Jaane Par, Misravaasiyon Dvaara Pichhale 2,000 Varson Me Kiye Gaye Uparyukt Samaayojan Ko Spasht Roop Se Dekha Ja Sakata Hai (Jaisa Neeche Varnait Hai).

Julius Caesar Jab 48 Eisa Poorv Me Misr Pahuncha, To Usane Khagol Vigyaani Sosigenes (Alexandria Se) Ko Roman Saamraajya Ke Liye Ek Calendar Praarambh Karane Ke Liye Niyukt Kiya. Isaka Nateeja, 365 Din Ke Varsh Aur 366 Din Ke Leap Varsh Vaale Julian Calendar Ke Roop Me Saamane Aya. Roman (Julian) Calendar Ko Darasal Vaastav Me Ek Raja Ke Anukool Gadha Gaya Tha. Vaarsik Kaayaakalp Jaynti Ke Samaapti Par Misri Raja Ke Raajyaabhisek Ka Din, Saal Ka Pahala Din Tha. (Adhik Jaanakaari Ke Liye Dekhen, Isi Lekhak Dvaara Likhi Pustak, Misri Rahasyavaad-Path Ke Saadhak)

Halanki, Latin Calendar Me Yah Dhyaan Nahi Rakha Gaya Ki Varsh Ki Lambaayi 365¼  Din Se Thodi Si Jyaada Hoti Hai. Julian Calendar Ke Apnaaye Jaane Ke Samaya Se Lekar Hamaare Vartamaan Samaya Tak, 365. 25 Dinon Aur 365. 25636 Dinon Ke Antar Ke Kaarana, Dono Calendaron Ke Beech 13 Dinon Ka Phark A Chuka Hai. Yah Antar, Eisayi Tyohaaron Ke Baare Men, Roodhivaadi Aur Gair Roodhivaadi Church Ke Najarie Me 13 Din Ke Matabhed Ko Spasht Karata Hai. Kaaran Yah Hai Ki Ek Samooh, Sateek Misri Calendar Ka Paalan Karata Hai, Jabaki Doosara Samooh Ashuddh Julian Calendar Ka Paalan Karata Hai.

Jab 48 Eisa Poorv Me Latin Calendar Ko Apnaaya Gaya, To Misri Calendar Ka Pahala Din 29 Agast Tha. Ab Yah 11 September Hai—13 Dinon Ka Vo Antar Jise Abhee-Abhi Spasht Kiya Gaya Hai.

Praacheen Misri Calendar Ke Praarambh Ki Tithi Dhoondhane Ke Kram Men—(Dosapoorna) Latin Calendar Ke Anusaar—Hame Pratyek Varsh 29 Agast Aur 21 Joon Ke Beech 0. 00636 Din (365. 25636 – 365. 25 Din) Ke Antar Ki Ganana Karani Chaahiye. 21 Joon Greesm Sankraati Ka Pratinidhitva Karata Hai, Jo Praacheen Misri Calendar Ke Shuruaat Ka Prateek Hai, Aur Sothic Chakra Ke Arambh Ko Darshaata Hai—Is Samaya Usaakaal Me Kshitij Par Sabt (Sirius) Ka Udaya Hota Hai, Fir Kuchh Der Tak Dikhaayi Dene Ke Baad Yah Ujaale Ke Badhane Ke Saath-Saath Feeka Padata Jaata Hai, Aur Isi Ke Saath-Saath Misri Calendar Chakra Arambh Hota Hai.

Sabase Pahle Ham 29 Agast Aur 21 Joon Ke Beech Ke Antar Ko Nikaalate Hain, Jo 69 Din Hota Hai. 69 Dinon Ko 0. 00636 Se Vibhaajit Karane, Par Parinaam Ata Hai, 10,849 Vars. Is Prakaar, 48 B.C. Me 29 Agast Ko Misri Calendar Kam Se Kam (10,849 + 48) 10,897 Eisa Poorv Tha.

Ayie Ab Ham Apne Sothic Calendar Ki 10,897 Vaali Ganana Tatha Raashi Chakra Ki Ganana Ki Tulana Karen. Jaisa Ki Pahle Bataaya Ja Chuka Hai, Vartamaan Raashi Chakra 10,948 Eisa Poorv Me Arambh Hua Tha. 10,897 Eisa Poorv Aur Singh Yug Ke Arambh (10,948 B.C.) Ke Beech Ka Antar 51 Varsh Hai. Doosare Shabdon Men, 48 Eisa Poorv, Praacheen Misri Calendar 157 Varsh Ke Chakra Ke 1/3 Par Tha.

Sabhi Puraane Yunani Aur Roman Lekhakon Ne, Varsh 10,948 B.C. Ka Zikr Singh Ki Yug Ke Arambh Ke Taur Kiya Hai, Jaise Plato Ke Ekatrit Samvaad Ishaara Karate Hain Ki Praacheen Misr Ke Kala Aur Sthaapatya Sambandhi Anupaatik Niyamon Me Pichhale 10,000 Varson Se (Plato Ke Samaya (428-347 B.C.) Se) Koyi Badalaav Nahi Aya. Plato Ne Kaha Tha,

Das Hazaar Saal Pahle Banaayi Gayi Tasweeren Aur Moortiyaan, Aaj Ke Daur Me Banane Vaali Tasweeron Aur Moortiya Ke Muqaable Na To Behtar Hain Aur Na Hi Kamatar.

 Misr Men, Islami/Arab Daur Ke Arambh (641 A.D.) Hone Ke Baad Se, Praacheen Misri Calendar Ko “Coptic” Calendar Ke Roop Me Jaana Jaata Hai, Halanki Yah Eisayi Dharm Ke Vajood Me Ane Ke Hazaaron Varson Pahle Hi Vikasit Ho Chuka Tha. Adhunik Misravaasi, Apne Asankhya Vaarsik Utsavon, Krisi, Mausam, Aur Anya Maamalon Ke Liye (Kuchh Apavaadon Ko Chhod Kar) Vyaavahaarik Roop Se Praacheen Misri Calendar Ka Abhi Bhi Paalan Karate Hain. Yah Sansaar Me Upayog Kiya Jaane Vaala Abatak Ka Sabase Vyaavahaarik Aur Sateek Calendar Hai.

 

[isaka ek ansh:Praacheen Misri Sanskriti Ka Rahasyodghaatan -Vistaarit Dviteeya Sanskaran dvaara likhit Moustafa Gadalla]