Pavitraa ‘‘Anupaat’’

Pavitraa ‘‘Anupaat’’

 

Praacheen Misravaasi, Paayi Aur Faayi Jaisi Goodh Sankhyaayon Ke Baare Me Jaanate The. Unhonne Apne Gyaan Ko Apni Imaaraton Aur Kalaakritiyon Ke Samaanupaatik Taalamel Me Pradarshit Kiya.

1. Swarnaim Anupaat (Sankhyaatmak Roop Se = 1. 618), Pashchimi Vidvaanon Ne Haal Hi Men—Yunani Varnaamaala Ke Akshar Φ (Phi)—Isaka Mannmaana Prateek Nirdhaarit Kiya Hai, Parantu Yunaniyon Se Bahut Pahle Se Ise Jaana Aur Istemaal Kiya Jaata Tha. Aur Isase Bhi Badatar Baat Yah Hai Ki Is Baat Ka Koyi Suboot Nahi Hai Ki Yunaniyon Ko Isake Baare Me Pata Bhi Thaa!

Sachchaayi Ka Taqaaza Yah Hai Ki Is Anupaat Ke Liye Praacheen Misri Shabd Ka Istemaal Kiya Jaana Chaahiye, Arthaat Ise Neb (Sunahara) Anupaat Kaha Jaana Chaahiye. Neb Ka Arth Swarnaim Ya Divya Hota Hai. Pashchimi Lekhon Me Bhi Is Anupaat Ko Swarnaim Aur Daiveeya (Unneesaveen Saadi Ke Baad Se) Ke Roop Me Jaana Jaata Hai.

Neb (Swarnaim) Anupaat Ko Yog Shrrinkhala Se Ganiteeya Roop Se Praapt Kiya Ja Sakata Hai, Praacheen Misriyon Ne Kam Se Kam 4,500 Saal Pahle Is Baare Me Apne Gyaan Ko Prakat Kar Diya Tha. Jaise-Jaise Yog Shrrinkhala Age Badhati Jaati Hai (2, 3, 5, 8, 13, 21, 34, 55, 89, 144, …), Lagaataar Sankhyaaon Ke Beech Ka Anupaat Neb (Swarnaim) Anupaat Ki Or Agrasar Hota Hai. 55ah34, 89ah55, 144ah89, … Aadi Sabhi Anupaaton Ka ‘‘Maan’’ Ekasamaan 1. 618 Hai. Jaisa Ki Pahle Bataaya Ja Chuka Hai, Praacheen Misri Mandiron Aur Teerthon Ko Yog Shrrinkhala Ki Kramik Sankhyaaon —Bhavan Yojana Ke Aksh Ke Saath Mahatvapoorna Bindu—Ke Anusaar Vibhaajit Kiya Gaya Tha.

Neb (Swarnaim) Anupaat Ko Graphical Roop Me Aur Bhi Kayi Tareeke Se Praapt Kiya Ja Sakata Hai, Ye Sabhi Samooche Rajvansheeya Itihaas Ke Misri Bhavanon Me Bahut Aam The.  (Vibhinn Tareekon Ke Baare Me Aur Adhik Jaanakaari Ke Liye Moustafa Gadalla Dvaara Likhit Pustak The Ancient Egyptian Metaphysical Architecture Dekhen.)

2. Circle Index (Vritt Soochakaank) Vritt Ka Kaaryaatmak Soochakaank Hota Hai. Yah Vritt Ki Paridhi Aur Vyaas Ke Beech Ka Anupaat Hai. Pashchimi Pandito Ne Ise Yunani Akshar Paayi Se Niroopit Kiya Aur Isaka Maan 3. 1415927 Nirdhaarit Kiya.

Vritt Tatha Anya Vakron Tatha Unake Guno Ke Baare Me Misravaasiyon Ka Gyaan Unake Sabase Puraane Bache Abhilekhon Ke Kaal Se Hi Dikhane Lagata Hai. Teesare Rajvansh (2630 B.C.) Ke Ek Abhilekh Men, Saqqara Ke, Ek Chhat Ke Vakr Ka Nirdhaaran Nirdeshaank Pranaali Ki Sahaayata Se Darshaaya Gaya Hai, (Yahaan Pradarshit). Isase Pata Chalata Hai Ki Vritt Ke Baare Me Unaka Gyaan Itana Uchch Star Ka Tha Ki Ve Lambavat Vakr Ke Saath Nirdeshaank Ki Ganana Karane Me Saksham The. Tadanusaar, Shilpi Apne Dvaara Banaaye Jaane Vaale Vakron Me Sateek Paimaane Ka Paalan Karate The.

Misriyon Ne Apni Rajadhaaniyon Ka Nirmaana, 6, 8, 11, Aur 13-Tarafa Bahubhujon Ke Alaava, Nau Tatvon Aur Kabhi-Kabhi Saat Tatvon Se Kiya, Kyonki Ve Vritt Ke Guno Se Parichit The Aur Lamb Nirdeshaank Tatha Anya Jyaamiteeya Akritiyon Ke Saath Usake Sambandhon Ko Jaanate The.

Archimedes Ke Janm Ke Kam Se Kam 2,000 Saal Pahle Se Misr Me Isake Upayog Spasht Pramaana Maujood Hain.

Yahaan Chitrit Aur Varnait Vishist Praacheen Misri Daravaaje Ke Naqshe Me Dono Pavitraa Anupaaton (Pi Aur Phi) Ko Samaavist Kiya Gaya Tha.

  1. Lambavat Satah Me Sampoorna Rooparekha 1:2 Anupaat Ki Yaani Dohare Varg Vaali Hai. [H = 2b]
  2. Arambhik Chaudaayi Ardhavritt Ke Bheetar Utkeerna Ek Varg Par Adhaarit Hai, Jo Paanch Ke Vargamool Vaale Ayat Ka Anupaat Praapt Karane Ka Praacheen Misr Ka Apna Vishist Tareeka Hai. Is Prakaar, Khulane Vaali Chaudaayi Ya Daravaaze Ke Chaukhat Ki Motaayi 0. 618 Huyi.
  3. Dvaar Ki Unchaayi (H) = 3. 1415 = Pi

 

[isaka ek ansh:Praacheen Misri Sanskriti Ka Rahasyodghaatan -Vistaarit Dviteeya Sanskaran dvaara likhit Moustafa Gadalla]