Khagoleey Chetana

Khagoleey Chetana

 

1.Kepler Aur Misri Khagol Vigyaan

Kuchh Dashak Pahle Jin Logon Ne Kaha, Ki Khagol Vigyaan Telescope Ke Aviskaar Se Pahle Hi Ek Unnat Avastha Me Pahunch Gaya Tha, Unaka Amataur Par Mazaak Udaaya Gaya Ya Unhen Nazarayandaaz Kar Diya Gaya. “Aadhunik” Khagol Vigyaan Ka Shreya Johannes Kepler (1571-1630 A.D.) Ke Kaaryon Ko Diya Jaata Hai, Aur Unhen Bina ‘‘Telescope Ki Madad’’ Ke Teen Graheeya Niyamon Ki “Khoj” Ka Shreya Haasil Hai. Niyamit Nirikshan, Maapn, Abhilekhan Aur Vishlesana Ke Bina Kabhi Bhi, Grah, Doori, Gati Me Badalaav, Kaksha-Vinyaas, Aadi Ke Beech Sambandhon Ko Darshaane Vaale Graheeya Niyamon Ko Nirdhaarit Nahi Kiya Ja Sakata Hai—Abatak Kisi Bhi Pashchimi Vidvaan Ne Hame Yah Nahi Bataaya Ki Kepler In Graheeya Niyamon Tak Aakhir Kaise (Kaun Se Jaadu Se) Pahunche. Hakeekat Men, Kepler Ne Apni Harmony Of The World Shrrinkhala Ki Paanchaveen Pustak Me Swyam Yah Daava Kiya Hai, Ki Unhonne Kho Chuke Misri Niyamon Ko Fir Se Khoja, Jaisa Ki Neeche Kaha Gaya Hai:

“Pratham Kiranaon Ko Footane Ke Athaarah Maheene Ke Baad, Din Nikalane Ke Teen Maheene Ke Baad, Lekin Sabase Adbhut Adhyayan Ki Nirmal Dhoop Ke Khilane Ke Kuchh Dinon Ke Bheetar Hi, Ab Koyi Bhi Cheez Mujhe Nahi Baandhati, Prerak Unmaad Ko Utpann Karana Mera Saubhaagya Hai, Yah Mera Saubhaagya Hai Ki Main Nashvar Insaanon Ko Is Spasht Sweekriti Ke Saath Taana Kasoon Ki Main Apne Bhagavaan Ka Mandir Banaane Ke Liye Misr Ki Seemaaon Se Bahut Door, Misri Savarna-Paatron Ki Chori Kar Raha Hoon”.

Prafullit Kepler Ne Yah Nahi Kaha Ki Unhonne Swyam Kuchh Khoja Hai. Balki, Yah Sab Praacheen Misri Tha.

Clement Alekjaindarinas (200 A.D.) Ne Praacheen Misr Me Khagol Vigyaan Ke Unnat Gyaan Ke Baare Me Bataaya Tha. Usane Praacheen Misr Me Khagol Vigyaan Ke Visaya Par Paanch Paraspar Sambandhit Khandaon Ka Jikr Kiya Thaa—Uname Se Ek Me Sthir Sitaaron Ki Ek Soochi Thi, Doosara Surya Aur Chndra Se Sambandhit Ghatanaaon Se Sambandhit Tha, Do Anya Khanda Sitaaron Ke Udaya Se Sambandhit The, Jabaki Agale Khanda Me Sristivarnaan Tatha Bhoogol, Aur Surya, Chndrama, Evam Paanch Grahon Ki Chaalon Ki Jaanakaariyaan Theen. In Sandarbhon Se Khagol Vigyaan Ke Baare Me Unaki Poori Samajh Ka Sanket Milata Hai—Jo Aaj Ki Tulana Me Bhi Bejod Hai.

Misri Adhyayan Ke Khagolavidon Ka Lambe Samaya Se Kahana Raha Hai Ki Misri Khagol Vigyaan Kaafi Unnat Tha, Yahaan Tak Ki Vishuvon Ke Agragaman Ke Baare Me Ve Jaanate The, Theek Isi Prakaar Surya Ki Kendriyaya Pranaali, Aur Kayi Aisi Anya Cheezen Jinhen Haal Hi Me Khoja Gaya Maana Jaata Hai, Unhen Pata Theen.

 

2. Khagoleeya Prekshana Aur Abhilekhan

Misravaasi, Prithvi Par Akaash Ke Prabhaav Ko Maanate The, Atah Atynt Dhyaan Ke Saath Akaash Ka Nirikshan Karate The. Khagol Vigyaan Ke Ankadon Ka Adhyayan Karake Usaka Arth Nikaala Jaata Tha, Arthaat Prithvi Ki Ghatanaaon Aur Akaash Ki Ghatanaaon Ke Beech Taalamel Ka Adhyayan Kiya Jaata Tha.

Sampoorna Sristi Ki Chakraeeya Prakriti, Samast Praacheen Misri Granthon Ka Mukhya Visaya Hai. Misravaasi, Prithvi Aur Akaash Ke Chakra Par Apni Nirbharata Ke Baare Me Bahut Achchhi Tarah Se Jaanate The. Isaliye, Mandir Ke Pujaariyon Ko In Akaasheeya Pindaon Ke Chaalon Ka Nirikshan Karane Ka Kaarya Saunpa Gaya Tha. Unapar, Anya Akaasheeya Ghatanaaon Ko Darj Karane Aur Unaki Vyaakhya Karane Ka Uttaradaayitva Bhi Tha.

Misr Ke Praacheen Sthalon Par Aise Dheron Smaarak Mil Jaayenge Jo Brahmaanada Vigyaan Aur Khagol Vigyaan Ke Baare Me Unaki Jaanakaari Aur Gyaan Ki Gavaahi Dete Hain. Praacheen Misr Men, Vyavasthit Tareeke Se Khagoleeya Prekshana Bahut Pahle Hi Shuru Ho Chuka Tha. Praacheen Misravaasi, Sitaare Ke Prekshana Aur Abhilekhan Ke Adhaar Par Jaanakaari Sankalit Karate Aur Taaraamandaal Ke Maanachitra Banaate.

Vartamaan Me Gyaat Sabase Praacheen Khagoleeya Lekh Nauven Rajvansh (2150 Eisa Poorv) Ke Samaya Ke Hain, Jo Lakadi Ke Taabooton Ke Dhakkanon Par Maujood Hain. (Parishist Ga Me Chitra Dekhen)

In Lekhon Ko Vikarna Calendar Ya Vikarna-Taara-Ghaadi Kaha Jaata Hai, Jo In Lekhon Ke Uddeshyon Aur Saamagriyon, Yaani Sitaaron Ki Chaal Aur Samaya Ke Beech Sambandhon Ke Prekshana Aur Abhilekhan, Ka Matalab Bataati Hain. Vikarna Shabd Ka Matalab Konaon Ka Maapn Karana Hota Hai, Yaani Vishes Samayaavadhi Me Chaap Ka Visthaapn. (Parishist Ga Me Chitra Dekhen)

Ye Lekh Decan (Das Din Ke Antaraal Par Theek Surya Ke Saath Ek Hi Samaya Me Ugane Vaale Sitaare) Ka Naam Dete Hain, Jo Kul 36 Hain.

Misravaasi Akaash Ko 36 Konaeeya Khandaon Ke Sanyojan Roop Me Vibhaajit Karate, Jisame Pratyek Khanda Ka Kendriyaya Kona 10 Degree Ka Hota Tha, Jisaka Kul Konaeeya Maap Milakar 360 Degree Banata Tha. (Parishist Ga Me Chitra Dekhen)

In Konaeeya Dasabhujon Ko Misr Ke Arambhik Kaal Se Hi Adhikatar Ek Rekheeya Pravaah Me Chitrit Kiya Gaya Hai. (Parishist Ga Me Chitra Dekhen)

Theek Inheen Dashabhujon Ka Chitraan Hazaaron Saal Baad Ki Rachanaaon Me Bhi Milata Hai—Jab Ham Dendera Mandir Ke Khnbhon Vaale Kaksh Me Ise Rekheeya Pravaah Ke Roop Me (Parishist Ga Me Chitra Dekhen) Ya Isi Misri Mandir Me Golaakaar Pravaah Ke Roop Me Paate Hain—Jisame Har Baarah Raashi Samoohon Ke Liye Theek Isi Prakaar Ki Tihari Dashabhuji Akritiyaan Banaayi Gayi Hain. (Parishist Ga Me Chitra Dekhen)

Konaeeya Dashabhuj Ko Rekheeya Roop Me Banaana Theek Vaise Hi Hai, Jaise Hamaare Vartamaan Bhoogol Ke Naqshe Me Dharati Ke Golaakaar Satah Ko Chapate Roop Me Dikhaaya Jaata Hai. (Parishist Ga Me Chitra Dekhen)

Naye Rajvansh (1550-1070 Eisa Poorv) Kaal Ke Senenamat Ke Maqabare Ki Chhat, Raani Hatshepasut Ke Shilp, Ke Saath Saath Seti-1, Ramesses-6 Wa Ramses-9 Ke Maqabaron Me Sitaaron Ke Aur Adhik Vistrit Saaranai Wa Taalikaayen Milati Hain.  (Is Maqabare Ke Chitraon Ko Parishist Ga Me Dekhen)

Set Pratham, Ramses Chaturth, Ramses Saptam, Aur Ramses Navam Ke Maqabare Ke Shilaalekh Jo Pratyek Maah Ke Pahle Aur Solahaven Din Se Sambandhit Hain, Raat Ke Pratyek 12 Ghante Me Sitaare Ki Sthiti Ko Darshaate Hain.

Kaal-Maapn Ka Praacheen Misri Gyaan Unake Dvaara Din Aur Raat Ke 12-12 Ghanton Me Vibhaajit Karane Me Dikhaayi Padata Hai. Ghanton Ki Lambaayi Nirdhaarit Nahi Hoti Thi Balki Vah Mausam Ke Anuroop Badalati Thi. Garmiyon Me Lambe Dinon Ka Matalab Tha Din Ke Lambe-Lambe Ghante, Aur Jabaki Sardiyon Me Isaka Theek Ulta Hota Tha. Jab, 21 Maarch Aur 23 September Ko Surya Bhoomadhya Rekha Ko Paar Karata Hai, To Use Vishuv (Baraabar Raaten) Kahate Hain, Tab Din Aur Raat Ki Lambaayi Har Jagah Baraabar Ho Jaati Hain. Ghante Ki Parivartanasheel Lambaayi Vishuv Ke Baare Me Unaki Jaanakaari Ko Darshaati Hai-Saath Hi Saath Yah Unake Sateek Samaya Maapn Ke Sampoorna Samajh Ka Prateek Hai, Jise Neeche Vistaarapoorvak Bataaya Gaya Hai.

Choonki Prithvi Surya Ka Chakkar, Prativarsh Ek Baar Apni Kaksha Ke Samatal Me Lagaati Hai, Jisase Surya Ki Sandarbh Rekha Lagaataar Badalati Rahati Hai, Aur Is Kaaran Ek Saur-Divas Ki Lambaayi Prithvi Ke Ek Chakkar Ke Samaan Nahi Hoti. Isaliye Prithvi Ke Ek Chakkar Lagaane Ke Sahi Samaya Ko Hamaare “Aadhunik” Khagol Vigyaan Me Nakshatra-Divas Kaha Jaata Hai, Jo Vaasantik Vishuv (Vo Samaya Jab Raat Aur Din Bilkul Baraabar Hote Hai) Ke Sandarbh Me Prithvi Ke Chakkar Par Adhaarit Hota Hai.

Praacheen Misravaasi Samaya Ke Rahasyon Ko Jaanate The, Kyonki Unhonne Chaand, Taaron Aur Surya Ki Pratyaksh Gati Ka Prekshana Aur Adhyayan Kiya Tha. Choonki Sabhi Khagoleeya Pinda Prekshak Ke Sandarbh Me Pratyaksh Taur Par Lagaataar Gatisheel Hote Hain, Isaliye Kisi Khagoleeya Pinda Ke Prekshana Ka Sateek Samaya Pata Karana Atynt Mahatvapoorna Hota Hai—Aur Is Kaam Me Praacheen Misravaasiyon Ne Bahut Pahle Mahaarat Haasil Kar Li Thi.

Praacheen Misravaasiyon Ne Ye Saare Prekshana Behad Saadhaarana Drishya Yantraon Ki Madad Se Kiye The. Ve Is Kaarya Ke Liye Drishya Yantraon Se Parahej Karate The, Jaisa Ki Adhunik Bhautikashaastrai Bhi Maanate Hain Ki Inake Upayog Se Vibhinn Prakaar Ke Vikritiyaan Ati Hain. Yah Baat Vyaapak Roop Se Maanya Hai Ki Praacheen Misravaasi Maaskhet Naam Ke Drishya Yantra Ka Upayog Karate The, Jo Lakadi Ki Chhaadi Hoti Thi Jisake Chhor Par Daraar Hoti Thi, Baad Me Jise Kolimeter Ke Roop Me Sitaaron Ko Lakshya Karane Ke Liye Istemaal Kiya Gaya. Ve Lamb Ko Maapne Ke Liye Ek Saral Saahul-Sootr Ka Upayog Bhi Karate The. Dekhane Ke Liye Istemaal Ki Jaane Vaali Aisi Chhaadiyon Aur Saahul-Sootron Ke Kaarana, Kisi Taare Ki Madhyaahn Me Unchaayi, Ya Udayakaal Me Digns Ka Maapn Behad Sateekata Ke Saath Kiya Ja Sakata Tha. Pratyek Khagoleeya Pinda Ki Gati Ko, Akaash Ke Nakshe Par Diye Gaye Sitaaron Ke Nirdeshaank Ke Anusaar Dikpaat Aur Vishuvaansh Ke Sanyojan Ke Adhaar Par, Konaeeya Parivartan Ke Roop Me Maapa Jaata Tha.

Prekshanaon Ko, Akaash Ke Kendra Ke Neeche Seedhi Mudra Me Baithi Huyi Maanav Akriti Par Adhyaaropit Karake, Grida Me Abhilekhit Aur Alekhit Kiya Gaya Tha, Tatha Us Akriti Ke Sir Ke Upar Ka Hissa Sarvochch Akaasheeya Bindu Ke Theek Neeche Rakha Gaya Tha. Grida Me Vishist Taur Par 8 Kshaitij Khanda Aur 12 Lambavat Khanda The Jo-Raat Ke 12 Ghanton Ka Pratinidhitva Karate The. Is Akriti Ke Ek Hisse Par, Sarvochch Shikhar Ki Or Ja Rahe Sitaaron Ka Varnaan Tha, Aur Sitaaron Ki Soochi Me Unaki Sthiti Bataayi Gayi Thi, Jaise: Baayen Kaan Ke Upar Daahine Kaan Ke Upar, Aadi.

Praacheen Misr Ke Khagoleeya Lekh, Raat Ke 12 Ghante Ke Dauraan—15 Dinon Ke Antaraal Par—Sitaaron Ki Sthiti Bataate Hain, Aur Is Jaanakaari Ki Madad Se Akaash Me Kisi Khaas Bindu Ke Sthaan Me Parivartan Maapa Ja Sakata Hai. Is Tarah Ke Niyamit Aur Nirantar Maapn Aur Abhilekhan Ki Sahaayata Se, Praacheen Misravaasi Akaasheeya Pindaon Ki Gati Ki Dar Ka Paraspar Akalan Kar Paaye, Aur Is Prakaar Ve Khagoleeya Pindaon Ki Pratyaksheekrit Gati Me Hone Vaali Chhotee-Badi Aniyamitataaon Ko Darj Karane Me Saksham Ho Sake.

Ramses Navam (1131-1112 Eisa Poorv) Ke Maqabare Ki Chhat Par, 15 Dinon Vaali Lagaataar 12 Avadhiyon Ke Dauraan Vibhinn Sitaaron Ki Sthitiyaan Darshaayi Gayi Hain. In Sitaare Vaale Chaarton Ki Madad Se, Praacheen Misravaasi Sitaaron Ki Sthiti Tatha Sthaan Ya Samaya Me Parivartan Ko Taya Karate The. Praacheen Misravaasi Is Tathya Se Parichit The Ki Sitaare Dheere-Dheere Khisakate Hain, Tatha Yaamyottar Sankramana Ke Dauraan Ve Asaani Se Maape Ja Sakate Hain, Aur Is Prakaar Praacheen Misravaasi Agragaami Parivartan Ki Dar Ka Pata Lagaate The.

Misr Men, Akaasheeya Maanachitra Aur Sitaaron Ki Saaranai Bahut Pahle Hi Banani Praarambh Ho Gayin Theen, Aur Sitaaron Ko Taaraamandaal Ke Roop Me Banaane Ke Liye Vargeekrit Kiya Jaane Laga Tha, Jaise Maqabaron Ki Chhaton Par Kiye Gaye Chitraan. Paanchaven Aur Chhathaven Rajvanshon Ke Pyramid Lekhon Me Vrisabh Paad (Saptayrrisi), Se Lekar Lubdhak Taare Tatha Mrigashira Nakshatra Evam Anya Mahatvapoorna Nakshatraon Ka Khagoleeya Vivaran Milata Hai.

Gyaarahaven Aur Baarahaven Rajvansh Ke Samaya Ke Asyut Ke Taabooten Ke Samaya Se Hi, Taara-Samaya Taalikaaon Ke Saath Judi, Decan Ya Das Divaseeya Taaron (Taara-Samooh) Ki Soochiyaan, Prachalan Me Theen.

Praacheen Misravaasiyon Ne Vibhinn Nakshatraon, Ki Paridhi Ko Paribhaasit Karane Vaale Sitaaron Ka Sandarbh Diya, Jaise:

Daanav Ke Pair

Rajahns Ka Panjaa

Rajahns Ka Sir

Rajahns Ka Pichhala-Bhaag

Sahasr Ka Sitaaraa

Luxor (Thebes) Ke Ramses Navam Ke Maqabare Me Kuchh Sitaaron Ki Solahaven Baabeh (Paayofi)—27 Aktoobar—Ki Soochi Is Prakaar Hai:

S’aar Taaraa

S’aah Nakshatra Ke Ungali Ki Nok. (Mrigashira Nakshatra)

S’aah Ka Sitaara. (Mrigashira Nakshatra)

Sabt Ka Anusarana Karane Vaala Sitaara. (Syrias, Sothis)

Judavaan Sitaaron Ki Ungali Ki Nonk

Paani Ke Sitaare

S’aah Ki Ungali Ki Nonk. Sher Ka Sir

Sher Ki Poonchh

[Ta-Apet (Thebes) Sthit Ramses Nauven Ke Maqabare Men Pradarshit Solahaven Babeh (Paophi) -27 October- Ko Sitaaron Ki Soochi.]

 

3. Raashi Chakra

Oopar Dikhaaye Gaye, Seti (1333-1304 Eisa Poorv) Ke Maqabare Se Praapt Uttar-Dhruveeya Akaash Ke Taaron Ke Nakshe Ke Anusaar, ‘Raashi Chakra’ Ka Praacheen Misri Arth Pashuon Ka Chakra Hota Tha.

Raashi Chakra Ke Baare Men—Dharati Par—Hamaari Jaagarookata Ka Mukhya Kaarana, Prithvi, Surya, Aur Chndrama Ke Beech Jatil Antahkriya Hai. Jaisa Ki Clement Alexandrinus Ka Maanana Hai, Praacheen Misri Lekhon Ke Kayi Khandaon Men, Surya Aur Chndrama Ke Baare Me Sampoorna Khanda Tha. Brahmaandeeya Laya Me Surya Aur Chndrama Ke Mahatva Ko Isis Aur Osiris Ke Roopak Me Darshaaya Gaya Hai, Jisaka Sabase Achchha Varnaan Sicilya Ke Diodorus Ne Pustak 1, 11 (5-6) Me Kiya Tha.

Ye Do Neteru (Devi-Devata), Poore Brahmaanda Ko Thaame Rakhate Hain, Aur Isaka Paalan Karate Hain, …

Surya Aur Chandrama Ki Dohari Kriyaayen—Dharati Par—Agragaman Ka Kaaran Hai. Chndrama Aur Surya Dono Hamaari Dharati Ko Gurutvaakarsana Dvaara Bhoomadhya Rekha Par Kheenchate Hain. Chndrama Is Ubhaar Ko, Dharati Ke Chaaron Or Ki Apni Kaksha Ke Maidaan Ki Taraf Kheenchane Ki Koshish Karata Hai, Aur Surya Is Ubhaar Ko Apne Chaaron Or Dharati Ki Kaksha Ke Maidaan Me Kheenchane Ki Koshish Karata Hai. Parinaamaswaroop Prithvi Apne Aksh Par Nahi Ghoomati, Balki Vah To Kendra Se Thoda Hat Kar Kisi Lattu Ki Tarah Gol-Gol Ghoomati Hai. In Do Pravrittiyon Ka Sanyukt Parinaam Yah Hota Hai Ki, Antariksh Me Dharati Ki Dhuri Dvaara Dharati Ke Kendra Or Kendrait Dohara Shnku Banata Hai, Yaani Ek Tarah Ki Daagamagaahat Paida Hoti Hai. Is Gati Ko Agragaman Kaha Jaata Hai.

Prithvi Apne Dhruveey-Dhuri Par Pashchim Se Poorv Ki Or Ghoomati Hai, Tatha Ek Andaakaar Kaksha Me Surya Ke Chaaron Or Chakkar Lagaati Hai. Yah 365. 2564 Din Ki Avadhi Me Apni Ek Parikrama Poori Karati. Prithvi Jhuki Huyi (Kaksheeya Samatal Se 23½ Degree Lambavat) Sthiti Me Surya Ke Chaaron Or Parikrama Karati Hai, Jo Din Aur Raat Ki Lambaayi Ke Badalane Ka Kaaran Hota Hai, Saath Hi Saath Yah Mausamon Ke Parivartan (Oopar Pradarshit Hai) Ka Bhi Kaaran Hota Hai.

Dharati Ki Is Daagamagaahat Bhari Gati Ke Kayi Saare Ghatak Hote Hain. Ve Vaastav Me Ek Hi Bhautik Prabhaav Ke Alag-Alag Avritti Vaale Aansh—Teenon Pindaon Ke Beech Karsana Dvnd—Hote Hain.

Yadi Akaash Ko Ek Nakshatraeeya Pristhabhoomi Ke Roop Me Maana Jaaye, To Prithvi Ke Apni Dhuri Par Ghoomane Ki Vajah Se, Vaasantik Vishuv Prativarsh Nakshatraeeya Pristhabhoomi Me Dheere-Dheere Chadhata Hai. Yah Prabhaav Vaastavik Nahi Hota Apitu Keval Abhaasi Hai, Aur Isame Keval Sitaare Shaamil Hote Hain. Sitaare Vaastav Me Nahi Khisakate, Balki Prithvi Ke Apni Dhuri Par Ghoomane Ki Vajah Se, Khisakate Hue Prateet Hote Hain. Khagolavid Ise Vishuvon Ka Agragaman Kahate Hain.

Sitaaron Ki Sthiti Me Nirantar Badalaav, Hamaare Grah Ke Liye Ek Prakaar Ki Taara-Ghaadi Hai. Agragaami Parivartan Aur Sitaare Ke Samanvaya Ki Sahi Dar Ka Pata Laga Kar, Praacheen Misravaasi, Diye Gaye Kisi Bhi Samaya Ke Liye Usaki Yaamyotar Me Unchaayi Tatha Poorvi Kshitij Par Usaka Udaya Bindu Nirdhaarit Karane Me Saksham The.

Nakshatraon Se Hokar Vishuvon Ke Agragaman Se Baarah Raashi Yugon Ko Unaka Naam Milata Hai. Ek Raashi Chinh Se Agragaman Karane Men, Vishuv Ko Mote Taur Par 2160 Saal Lag Jaate Hain. Is Prakaar Vaasantik Vishuv Ko, Baarah Raashiyon Ke Nakshatraamandaal Ka Poora Paripath Paar Karane Me Lagabhag 25,920 Saal Lag Jaate Hain. Is Poore Chakra Ko Mahaavarsh Ya Sampoorna Varsh Kaha Jaata Hai.

Pratyek Raashi Yug/Chinh Ko Teen Samaan Hisson Me Vibhaajit Kiya Gaya Hai—Jinaka Prateek Teen Maanaveeya Akritiyaan Hain—Aur Is Yuti Me Misravaasi Akaash Ko 36 Konaeeya Khandaon Ke Sanyojan Roop Me Vibhaajit Karate, Jisame Pratyek Khanda Ka Kendriyaya Kona 10 Degree Ka Hota Tha, Jisaka Kul Konaeeya Maap Milakar 360 Degree Banata Tha. (Parishist Ga Me Chitra Dekhen)

Jaisa Ki Upar Bataaya Aur Dikhaaya Gaya Hai, In Konaeeya Dasabhujon Ko Misr Ke Arambhik Kaal Se Hi Adhikatar Ek Rekheeya Pravaah Me Chitrit Kiya Gaya Hai.

Theek Inheen Dashabhujon Ka Chitraan Hazaaron Saal Baad Ki Rachanaaon Me Bhi Milata Hai—Jab Ham Dendera Mandir Ke Khnbhon Vaale Kaksh Me Ise Rekheeya Pravaah Ke Roop Me (Parishist Ga Me Chitra Dekhen) Ya Isi Misri Mandir Me Golaakaar Pravaah Ke Roop Me Paate Hain—Jisame Har Baarah Raashi Samoohon Ke Liye Theek Isi Prakaar Ki Tihari Dashabhuji (Decan) Akritiyaan Banaayi Gayi Hain.  (Parishist Ga Me Chitra Dekhen)

 

 

Dendera Ke Het-Heru (Haithaur) Mandir Me Do Sthaanon Par Bane Raashiyon Ke Chinhon Ko Yahaan Diya Gaya Hai. Apni Akritiyon, Prateekon, Aadi Ke Anusaar, Yah Spasht Roop Se Praacheen Misri Hai. Raashi Yug, Devataaon, Akritiyon Aadi Ko Darshaane Vaale, Yunanee-Roman Yug Se Pahle Ke Theek Aise Hi Prateek, Samooche Desh Ke Kayi Praacheen Misri Mandiron Aur Maqabaron Me Paaye Jaate Hain. (Parishist Ga Me Chitra Dekhen)

Pashchimi Pandito Ne In Bhaareebharakam Bhautik Pramaanaon Se Ankhen Chura Liya, Ki Misr Me Vishuvon Ke Agragaman Ki Baat Na Jaane Kab Se Maaloom Thi, Jabaki Isaki Pushti Praacheen Misri Sroton Se Bhi Hoti Hai. In Pandaito Ne Isaka Shreya Alexandria Vaale ‘‘Yunani’’ Hippaarkas (160-125 B.C.) Ko De Daala. Bahut Duahkh Ki Baat Hai, Ki Pashchimi Vidvaan Is Badi Upalabdhi Ka Shreya Ek Europeeya Ko Dene Ka Prayaas Karate Hain. Aur Is Maamale Me Agar Socha Jaaye To, Jis Kaarya Ko Karane Ke Liye Shataabdiyon Aur Sahasraabdiyon Ke Khagoleeya Prekshana, Maapn, Aur Abhilekhan Ki Avashyakata Hoti Hai, Vo Saara Kaarya Hippaarkas (Jisane Khud Srot Hone Ka Daava Kabhi Nahi Kiya) Akele Dam Par Bhala Kaise Kar Sakata Hai.

Pashchimi Vidvaan Khagol Vigyaan Ke Gyaan Ka Shreya Yunaniyon Ko Dete Hain, Jabaki, Yunani Khud Apni Khagol Vidya Ka Shreya Misri Pujaarayon Ko Dete Hain. Mahaan Strabo (64 B.C.-25 A.D.) Ne 20 Eisa Poorv (Hippaarkas Ke 100 Saal Baad) Sweekaar Kiya Ki,

Misri Pujaari Akaash Vigyaan Ke Kshetra Me Sarvochch Hain … (Misravaasi) … Apne Gyaan Ka Kuchh Aansh Bataate Hain; Halanki Ve Adhikatar Aansh Ko Chhipaate Hain. (Misravaasiyon Ne) Yunaniyon Ko Sampoorna Varsh Ke Rahasya Ka Bhed Bataaya, Jise Baad Me Kayi Anya Baaton Ki Tarah Nazarayandaaz Kar Diya Gaya.’’

(Raashi Chakra, Misr Ki Praacheenata, Tatha Sabase Sateek Misri Calendar Varsh Ke Baare Me Aur Adhik Charcha Is Pustak Ke Adhyaaya 1 Me Ki Gayi Hai.)

 

[isaka ek ansh:Misr Ka Brahmanada Vigyan:Sajeev Brahmanada, Teesra Sanskaran dvaara likhit Moustafa Gadalla]

——

[isaka ek ansh:Praacheen Misri Sanskriti Ka Rahasyodghaatan -Vistaarit Dviteeya Sanskaran dvaara likhit Moustafa Gadalla]

——————————————————————————————————————

Pustak kray aautalet:

u – peedeeeph praaroop smashwords.chom par upalabdh hai
bee – epab praaroop https://books.applai.chom/…/moustaf-gadall/id578894528 aur smashwords.chom par kobo.chom, applai par upalabdh hai.
see – mobee praaroop smashwords.chom par upalabdh hai

u – peedeeeph praaroop smashwords.chom par upalabdh hai
bee- epab praaroop https://books.applai.chom/…/moustaf-gadall/id578894528 aur smashwords.chom par kobo.chom, applai par upalabdh hai.
see – mobee praaroop  smashwords.chom par upalabdh hai